जळगाव मिरर | २७ जून २०२५
रावेर तालुक्यातील सावदा ते मोठे वाघोदा दरम्यान झालेल्या अपघातात एक जण ठार झाला तर एक जण जखमी झाल्याची घटना बऱ्हाणपूर ते अंकलेश्वर महामार्गावरील हॉटेल कुंदन समोर घडली.
सविस्तर वृत्त असे कि, सावदा येथील काम आटोपून हर्षल नारायण सरोदे व हर्षल बाजीराव पाटील हे हिरो होंडा कंपनीची दुचाकी (एमएच १९, एडी- ०१४५) ने मस्कावद येथे घरी होते. या वेळी मागाहून येणाऱ्या टाटा कंपनीचा ट्रक (पीबी ६५, बीबी- ९१८२) ने त्यांच्या दुचाकीला जबर धडक दिली. या अपघातात दुचाकीस्वार हर्षल नारायण सरोदे (वय ४५) हे जागीच ठार झालेत, तर हर्षल बाजीराव पाटील हे किरकोळ जखमी झाले आहेत. या प्रकरणी हर्षल पाटील यांनी दिलेल्या फिर्यादीवरुन ट्रक चालकाविरुद्ध सावदा पोलिसांत गुन्हा दाखल करण्यात आला आहे. तपास स.पो.नि. विशाल पाटील यांच्या मार्गदर्शनात पो.हे.कॉ. उमेश पाटील करत आहेत.
