जळगाव मिरर | ९ जुलै २०२५
जळगाव तालुक्यातील कुसुंवा येथील विशाल परशूराम पाटील (वय ३७) या तरुणाने राहत्या घरात गळफास घेत आपली जीवनयात्रा संपविली. ही घटना सोमवारी दुपारच्या सुमारास उघडकीस आली होती. तरुणाच्या आत्महत्येचे कारण अस्पष्ट असून याप्रकरणी एमआयडीसी पोलिसात अकस्मात मृत्यूची नोंद करण्यात आली आहे.
सविस्तर वृत्त असे कि, जळगाव तालुक्यातील कुसुंबा गावात विशाल पाटील हा तरूण आपल्या कुटुंबियांसह वास्तव्याला होता. सोमवारी दि. ७जुलै रोजी दुपारच्या सुमारास त्याने राहत्या घरात गळफास घेवून आत्महत्या के ली. ही घटना दुपारी ३ वाजेच्या सुमारास उघडकीला आली.
हा प्रकार लक्षात आल्यानंतर त्याचे नातेवाईक राहूल पाटील यांच्यासह शेजारी राहणाऱ्या ग्रामस्थांनी धाव घेतली. त्याला खाली उतरवून तातडीने शासकीय वैद्यकीय महाविद्यालयात दाखल केले असता वैद्यकीय अधिकारी यांनी मयत घोषीत केले. याबाबत एमआयडीसी पोलीस ठाण्यात अकस्मात मृत्यूची नोंद करण्यात आली आहे. पुढील तपास पोहेकों गफुर तडवी हे करीत आहे.
