जळगाव मिरर | २७ जुलै २०२५
यावल तालुक्यातील हंबर्डी येथील मेकॅनिकचा अज्ञात वाहनाच्या धडकेत मृत्यू झाला. ही घटना शुक्रवारी रात्री १० वाजता हिंगोणा परिसरातील मोर कॉलनीजवळ घडली. मृताचे नाव योगेश्वर उर्फ गणेश नेमाडे असे आहे.
सविस्तर वृत्त असे कि, यावल येथून आपले काम आटोपून ते दुचाकीने (क्रमांक. एम. एच. १९, बी. इ. ८६०९) यावलहून हंबर्डीला परतत होते. यावेळी अज्ञात वाहनाने जबर धडक दिली. यात त्यांचा जागीच मृत्यू झाला. त्यांच्या पश्चात पत्नी, मुलगा, मुलगी आणि वडील असा परिवार आहे. या घटनेने हंबर्डी परिसरात शोककळा पसरली आहे. याप्रकरणी फैजपूर पोलिसांत गुन्हा दाखल केला आहे.
