जळगाव मिरर | २८ जुलै २०२५
शहरातील हरिविठ्ठलनगर परिसरात दि. १८ ते दि. २५ जुलैदरम्यान अल्पवयीन मुलीचा पाठलाग करून तिच्याशी गैरवर्तन करीत विनयभंग केला. या प्रकरणी योगेश विनोद कोळी (वय २१), अनिल यशवंत माळी (वय २१) याप्रकरणी दोघांविरुद्ध गुन्हा दाखल करण्यात आला असून त्यांना अटक करण्यात आले.
सविस्तर वृत्त असे कि, शहरातील रामानंद नगर पोलिस ठाण्याच्या हद्दीतील एका परिसरातील १४ वर्षीय अल्पवयीन वास्तव्यास आहे. त्या मुलीचा दोघे जण दि. १८ जुलैपासून दुचाकीने पाठलाग करीत होते. यामध्ये योगेश कोळी याने मुलीला रस्त्यात अडवून ‘मला तू आवडते’ असे म्हणत तिच्याशी गैरवर्तन करून तिचा विनयभंग केला. या प्रकरणी अल्पवयीन मुलीने दि. २६ जुलै रोजी रामानंद नगर पोलिस ठाण्यात फिर्याद दिली. त्यावरून योगेश कोळी व अनिल माळी या दोघांविरुद्ध गुन्हा दाखल करण्यात येऊन दोघांना अटक करण्यात आले. पुढील तपास सपोनि भूषण कोते करीत आहेत.
