जळगाव मिरर | २८ जुलै २०२५
रावेर तालुक्यातील निंभोरा येथे जवळजवळ 36 वर्षानंतर न्यू इंग्लिश स्कूल या शाळेच्या 1988/८९ चा विद्यार्थी मेळावा दिनांक 20 जुलै 2025 रोजी संपन्न झाला. 36 वर्षानंतर एकमेकांना भेटल्यावर विद्यार्थ्यांच्या चेहऱ्यावरील आनंद अद्वितीय होता.
या कार्यक्रमाचे सूत्रसंचालन आरती पाटील हिने केले त्याचबरोबर छाया नेहते दुर्गा गुजराती नीलिमा भोगे राजेश सरोदे भूषण पवार फालक संजय चौधरी गोविंदा वाणी नथू पाटील या विद्यार्थ्यांनी आपले मनोगत व्यक्त केले. कार्यक्रमाचे आभार प्रदर्शन संगीता ठाकरे यांनी केले व कार्यक्रमाच्या यशस्वीतेसाठी डॉ स्वरूपा व्यवहारे विजय निंभोरे यांनी अथक प्रयत्न केले तसेच स्थानिक पातळीवर संतोष काटोले किशोर बोरोले मनीष दोडके यांनी मोलाचे योगदान दिले.
अतिशय वेगळ्या पद्धतीने शिक्षक वृंदांचे स्वागत केल्यामुळे सर्व शिक्षक अत्यंत गदगद झाले. आणि यातच कार्यक्रमाची यशस्विता मोठ्या प्रमाणावर संपन्न झाल्यासारखं वाटलं. त्याचबरोबर दिवंगत शिक्षक बारबंद सर साहेबराव सर फेगडे सर जे. एस. पाटील सर बी एम पाटील सर, आरसी चौधरी सर महाजन सर व व इतर दिवंगत सरांना भावपूर्ण श्रद्धांजली वाहण्यात आली.
