जळगाव मिरर | ३० सप्टेंबर २०२५
दरवर्षीप्रमाणे यंदाही कवयित्री बहिणाबाई चौधरी उत्तर महाराष्ट्र विद्यापीठाशी संलग्नित महाविद्यालयांच्या आंतर महाविद्यालयीन स्पर्धा विवेकानंद प्रतिष्ठान पुरस्कृत के.ए.के.पी महाविद्यालयाच्या वतीने आयोजित करण्यात आले. स्पर्धेचे उद्घाटन जामनेर येथील कला, वाणिज्य व विज्ञान महाविद्यालय जामनेर येथील प्राचार्य प्राचार्य डॉ. राजेंद्र खडायते यांच्या हस्ते करण्यात आले सदर कार्यक्रमाच्या अध्यक्षस्थानी के.ए.के.पी संस्थेचे अध्यक्ष श्री. विनोद पाटील यांची उपस्थिती लाभली तर प्रमुख अतिथी डॉ. व्ही एस सूर्यवंशी यांची उपस्थिती.लाभली होते.
उपस्थित सर्व मान्यवरांचे स्वागत महाविद्यालयाचे प्राचार्य डॉ. किशोर पाठक व क्रीडा संचालक डॉ. संतोष बडगुजर यांच्या हस्ते करण्यात आले. उद्घाटन प्रसंगी मान्यवरांनी खेळाडूंना मार्गदर्शन केले स्पर्धा निकोप व्हावी व पंचांनी दिलेल्या निर्णयाचे स्वागत करावे आणि स्पर्धा खेळभावनेच्या वातावरणात संपन्न करण्यात यावी असे देखील स्पर्धकांना आवाहन करण्यात आले. सदर स्पर्धेसाठी पुरुषांचे एकूण दहा तर महिलांचे एकुण पाच संघांचा समावेश होता. स्पर्धेत पुरुष गटातून कला वाणिज्य व विज्ञान महाविद्यालय भालोद यांनी प्रथम क्रमांक, लोकसेवक मधुकरराव चौधरी समाजकार्य महाविद्यालय द्वितीय क्रमांक तर मूळजी जेठा महाविद्यालय जळगाव यांना तृतीय क्रमांक प्राप्त झाले आहे.
तसेच महिला गटातलोकसेवक मधुकरराव चौधरी समाजकार्य महाविद्यालय, जळगांव पहिला क्रमांक, नूतन मराठा महाविद्यालय, जळगाव., द्वितीय क्रमांक व पीजी युजी जिमखाना, कबचौ उमवी, जळगांव., यांना तृतीय क्रमांक प्राप्त झाला. विजेत्या संघाना आयोजकांतर्फे सन्मानचिन्ह देऊन सन्मानित करण्यात आले. स्पर्धेच्या यशस्वी आयोजनासाठी निवड समिती गठीत करण्यात आली असून या समितीत डॉ. मुकेश पवार, अध्यक्ष. प्रा. सुभाष वानखेडे, सदस्य. डॉ. नवनीत अंशी, सदस्य यांनी काम पाहिले.
स्पर्धेची रूपरेषा प्रास्ताविकेतून महाविद्यालयाचे प्राचार्य डॉ. किशोर पाठक यांनी मांडली तर स्पर्धेचे सूत्रसंचलन प्रा. हितेंद्र सरोदे व आभार प्रदर्शन डॉ. संतोष बडगुजर यांनी केले. कार्यक्रमाच्या यशस्वीतेसाठी प्राचार्य डॉ. किशोर पाठक व पी. आर चौधरी यांचे मार्गदर्शन मिळाले तर डॉ. हितेश ब्रिजवासी, डॉ. वैजयंती चौधरी, डॉ.हर्षा खडके, प्रा. लक्ष्मी गाजरे, श्री. सुनील बारी व श्री. सागर पाटील यांनी परिश्रम घेतले.
स्पर्धेत सहभागी महाविद्यालय.
* नूतन मराठा महाविद्यालय, जळगाव.
* कला, वाणिज्य व विज्ञान महाविद्यालय, भालोद,
* आय.एम.आर, जळगांव
* पीजीयुजी जिमखाना, कबचौ उमवी, जळगांव,
* मूळजी जेठा महाविद्यालय,जळगाव.
* जी.एच.रायसोनी महाविद्यालय, जळगांव
* के.सी. ई शिक्षणशास्त्र महाविद्यालय, जळगाव
* क. वा. वि. महाविद्यालय, कुऱ्हा
* डॉ. अण्णासाहेब जी.डी. महाविद्यालय, जळगांव.
* शासकीय अभियांत्रिकी महाविद्यालय, जळगांव.
यांचा समावेश होता.
