जळगाव मिरर | २६ फेब्रुवारी २०२६
सोशल मीडियाच्या युगात दररोज अनेक व्हिडिओ व्हायरल होतात, काहीतरी आश्चर्यचकित करणारे, तर काहीतरी वाद निर्माण करणारे. सध्या इंस्टाग्रामवर एक व्हिडिओ प्रचंड चर्चेत आहे, ज्यात तरुण-तरुणी बाइकवर अत्यंत विचित्र आणि धोकादायक पद्धतीने बसलेले दिसत आहेत.
हा व्हिडिओ इंस्टाग्रामवरील @mr.nadan_parinda अकाऊंटवरून शेअर करण्यात आला आहे. व्हिडिओमध्ये तरुण-तरुणी बाइकवर एकमेकांकडे तोंड करून बसलेले दिसत आहेत. रस्त्यावर वाहतूक असतानाही त्यांनी हा स्टंट केला, ज्यामुळे अनेकांनी चिंता व्यक्त केली आहे. काहींनी तर यावर टीका करत म्हटले की, “अशा स्टंटमुळे अपघाताचा धोका प्रचंड वाढतो.”
व्हिडिओत तरुणी बाईक थांबवलेल्या वेळी तरुणाला मीठी मारताना दिसते आणि नंतर ते दोघे पुन्हा बाइकवर चालत निघतात. या विचित्र पोझ आणि स्टंटमुळे हा व्हिडिओ पाहणाऱ्यांना आश्चर्य आणि भीती वाटली आहे.
सोशल मीडियावर या व्हिडिओला प्रचंड प्रतिसाद मिळाला आहे. हजारो लोकांनी यावर कमेंट्स केल्या आहेत. काहींनी मजेशीर प्रतिक्रियाही दिल्या आहेत, जसे की “प्यार के दीवाने!”, तर काहींनी गंभीरपणे पोलिसांची कारवाई व्हावी अशी मागणी केली आहे.
विशेष म्हणजे, यामुळे वाहतुकीच्या सुरक्षिततेबाबतही चर्चा जोर धरली आहे. रस्त्यावर अशा प्रकारचे स्टंट करणे केवळ धोकादायक नाही, तर कायद्याच्या दृष्टिकोनातूनही प्रश्न निर्माण करतो. या व्हिडिओने सोशल मीडियावर युवक-युवतींच्या धोकादायक स्टंटच्या वादग्रस्त चर्चेला चालना दिली आहे.
