जळगाव मिरर | ९ मे २०२६
गेल्या तीन दिवसापासून उन्हाचे असह्य चटके बसताहेत. हे उन्ह अंगावर घेणे जिवावर बेतणारे ठरु शकते. उन्हांत पायी चालताना अचानक चक्कर आल्याने अत्यवस्थ झालेल्या एका गृहस्थाचा मृत्यू झाला. ही घटना गुरुवारी दुपारी घडली. पोलिसांच्या जलद तपासातून अवघ्या तासाभरात मयताची ओळख पटली. महेंद्र वसंत पाटील (वय ३७, रा. चलथान, गुजरात, हमु पाळधी खु.) असे मयताचे नाव आहे.
मिळालेल्या माहितीनुसार मयताने मद्यप्राशन केले. त्यानंतर पाळधी ते एरंडोलकडे जाणाऱ्या रस्त्याच्या बाजुने पायी चालत जात होता. नशा आणि रखरखते उन्ह्याचे चटक्याचा फटका बसुन ते चक्कर येऊन कोसळले. प्रत्यक्षदर्शच्या लक्षात येताच धाव घेतली. रुग्णवाहिकेतून त्याला शासकीय रुग्णालयात उपचारार्थ हलविले. मात्र डॉक्टरांनी तपासुन मयत घोषीत केले.
