जळगाव मिरर | १७ मे २०२६
राज्याचे पाणीपुरवठा मंत्री तथा जळगाव जिल्ह्याचे पालकमंत्री ना. मा. श्री. गुलाबरावजी पाटील यांच्या हस्ते जळगाव शहरातील पांडे चौक येथे शिवसेना मध्यवर्ती कार्यालयासमोर उभारण्यात आलेल्या थंडगार पाणपोईचे लोकाअर्पण करण्यात आले. सध्या सुरू असलेल्या तीव्र उन्हाच्या पार्श्वभूमीवर नागरिकांना दिलासा देण्यासाठी शिवसेनेच्या वतीने हा उपक्रम राबविण्यात आला.
हिंदुहृदयसम्राट शिवसेनाप्रमुख वंदनीय बाळासाहेब ठाकरे व धर्मवीर आनंद दिघे साहेब यांच्या आशीर्वादाने तसेच राज्याचे संवेदनशील उपमुख्यमंत्री ना. मा. श्री. एकनाथजी शिंदे यांच्या प्रेरणेने आणि पालकमंत्री ना. मा. श्री. गुलाबरावजी पाटील यांच्या मार्गदर्शनाखाली हा उपक्रम आयोजित करण्यात आला. प्रचंड उष्णतेमुळे नागरिक हैराण होत असल्याने शहरातील नागरिकांना थंडगार पिण्याचे पाणी उपलब्ध व्हावे, या उद्देशाने शिवसेनेच्या वतीने पाणपोई सुरू करण्यात आली.
यावेळी विधानसभा क्षेत्र प्रमुख श्री. श्यामभाऊ कोगटा, महानगर प्रमुख श्री. संतोषभाऊ पाटील, शिवसेना वैद्यकीय मदत कक्ष उत्तर संपर्क प्रमुख जितेंद्र गवळी, युवासेनेचे राहुल नेतलेकर, सोहम विसपुते, दीपक पाटील, विशाल निकम, दीपक माळी, शुभम गवळी, सचिन सोनार, राहुल सांगिले, चेतन परदेशी, क्रिश सनकत, विजय वाघ, शंतनु नारखेडे, यश कोल्हे, मानस तळले यांच्यासह शिवसेनेचे पदाधिकारी व शिवसैनिक मोठ्या संख्येने उपस्थित होते. सदर कार्यक्रम यशस्वी करण्यासाठी जितेंद्र गवळी मित्र परिवाराने विशेष मेहनत घेतली. शहरातील नागरिकांकडून या सामाजिक उपक्रमाचे स्वागत करण्यात येत आहे.
