जळगाव मिरर | १९ मे २०२६
मी मरण्याचे कारण स्वतः आहे, माझ्यामुळे काही चुका झाल्या असतील तर माफ करा. मी गेल्यावर काहीही चौकशी करु नये आणि माझे अवयव गरजूंना दान करावे. अशा आषयाची सुसाईट नोट लिहून बी. टेकच्या द्वितीय वर्षात शिकणाऱ्या हेमंत प्रदीप जाधव (वय २०, रा. रायसोनी नगर) या विद्यार्थ्याने राहत्या घरात गळफास घेत आत्महत्या केली. ही घटना सोमवार दि. १८ मे रोजी दुपारच्या सुमारास उघडकीस आली. पोलिसांनी सुसााईट नोट जप्त केली असून याप्रकरणी पोलिसात अकस्मात मृत्यूची नोंद करण्यात आली आहे.
मिळालेल्या माहितीनुसार, शहरातील रायसोनी नगरात राहणाऱ्या हेमंत जाधव हा शहरातील केसीई इंजिनिअरींग कॉलेजमध्ये बी. टेकच्या द्वितीय वर्षात शिकत होता. त्याचे वडील एका कंपनीत नोकरीत असून असून आई एस. टी. महामंडळात वाहक आहे. सोमवार दि. १८ मे रोजी आई-वडील दोघ ड्युटीवर गेले होते. तर हेमंत हा दुपारी घरी एकटाच होता, घरी कोणीही नसतांना त्याने घराच्या वरच्या मजल्यावरील खोलीत ओढणीच्या सहाय्याने गळफास घेत आपली जीवनयात्रा संपविली. त्याचे वडील दुपारी ४ वाजेच्या सुमारास ड्युटीवरुन घरी आल्यानंतर त्यांना घराचा दरवाजा उघडा असल्याच दिसले. वडीलांनी संपुर्ण घर बघितले. परंतू त्यांना मुलगा हेमंत हा दिसून आला नाही. त्यामुळे ते वरच्या मजल्यावर गेले असता, त्यांना मुलगा हेमंत हा गळफास घेतलेल्या अवस्थेत दिसून आला. मुलाला गळफास घेतलेल्या अवस्थेत बघताच त्यांनी एकच आक्रोश केला.
घटनेची माहिती मिळताच रामानंद नगर पोलीस ठाण्याचे अंमलदार जितेंद्र राजपूत हे घटनास्थळी दाखल झाले. त्यांनी पंचनामा करुन मृतदेह शासकीय वैद्यकीय रुग्णालयात दाखल केला. याठिकाणी डॉक्टरांनी तपासणी करीत हेमंत जाधव याला मयत घोषीत केले.
पोलिसांनी हेमंतच्या खोलीची झडती घेतली असता, त्यांना हेमंतने आत्महत्येपुर्वी लिहीलेली सुसाईट नोट मिळून आली. यामध्ये त्याने सॉरी पप्पा… मी मरण्याचे कारण कोणीही नसून तो मी स्वतः आहे. माझ्यामुळे काही चुका झाल्या किंवा माझ्यामुळे कोणाला काही दुखल गेल असेल तर मला माफ करा आणि मला आनंदाने जावू द्या. मी गेल्यावर कोहीही काहीही चौकशी करु नये व माझे अवयव गरजूंना दान करावे… तुमचा अपराधी बंटी…. सॉरी असे लिहीले होते.
