जळगाव मिरर | १६ जून २०२६
शहरात पावसाळ्याची चाहूल लागली असतानाच मुळजी जेठा महाविद्यालयासारख्या गजबजलेल्या परिसरातील उघडा नाला नागरिकांसाठी कसा मृत्यूचा सापळा बनला आहे, उपमहापौर मनोज चौधरी यांनी मनपाच्या ताफ्यासह तातडीने घटनास्थळी धाव घेत नाल्याची पाहणी केली. तसेच, या उघड्या नाल्यामुळे संभाव्य जीवितहानी टाळण्यासाठी तत्काळ लोखंडी जाळ्या बसवण्याचे कडक आदेश दिले आहेत.
एम. जे. महाविद्यालय परिसरात तीन ते चार प्राथमिक व माधमिक शाळा आहेत हा रस्त्यावरून जिम साठी तसेच कॅम्पुटर कोर्सेस साठी येथून दररोज हजारो विद्यार्थी आणि नागरिकांची वर्दळ असते. रस्त्याला लागूनच असलेला हा महाकाय नाला अनेक ठिकाणी उघडा पडला होता. पावसाळ्यात नाला तुडुंब भरला कधी तर रात्रीच्या वेळी अंधारात किंवा मुसळधार पावसात पाणी साचल्यावर हा नाला न दिसल्यास एखादा निष्पाप जीव यात पडून मोठी दुर्घटना होण्याची दाट शक्यता होती. उपमहापौर मनोज चौधरी, शहर अभियंता योगेश बोरोले आणि आर. टी. पाटील यांनी या संपूर्ण नाल्याची प्रत्यक्ष पाहणी केली. पाहणीदरम्यान उपमहापौरांच्या निदर्शनास आले की, हा नाला केवळ उघडाच नाही, तर दोन ते तीन ठिकाणी त्याची स्थिती अत्यंत धोकादायक बनली आहे.नाला इतका खोल व मोठा झाला आहे की एखादी चार चाकी गाडी सुद्धा पावसात गेली कधी नाल्या मध्ये तर लवंकर दिसणार नाही पाण्या मध्ये नाल्याची भिंत कधीही कोसळू शकते अशी अवस्था आहे. नाल्या शेजारी नाष्ट्या च गाड्या लागल्या आहेत तेथे शेकडो महाविद्यालयीन विद्यार्थी येत असतात जर वेळीच उपाययोजना केली नाही, तर पावसाळ्यात या ठिकाणी एखादी भयंकर दुर्घटना घडू शकते, हे गांभीर्य अधिकाऱ्यांनीही मान्य केले.
उपमहापौरांनी अधिकाऱ्यांना दिलेले २ अल्टिमेट
1.तत्काळ लोखंडी जाळ्या बसवा
नाल्याच्या कायमस्वरूपी दुरुस्तीला प्रशासकीय प्रक्रियेमुळे वेळ लागू शकतो, ही बाब लक्षात घेऊन पावसाळ्यापूर्वी तातडीचा उपाय म्हणून या उघड्या नाल्यावर मजबूत ‘लोखंडी जाळ्या’ बसवण्यात याव्यात. जोपर्यंत पक्के काम होत नाही, तोपर्यंत अपघात टाळण्यासाठी हे संरक्षण कवच तत्काळ उभे करण्याचे आदेश देण्यात आले आहेत.
2.कायमस्वरूपी दुरुस्तीचे इस्टिमेट काढा
या नाल्याची केवळ मलमपट्टी न करता, त्याची संपूर्ण व कायमस्वरूपी दुरुस्ती करण्यासाठी तातडीने खर्चाचे अंदाजपत्रक तयार करण्याच्या सूचना उपमहापौरांनी शहर अभियंता आणि संबंधित अधिकाऱ्यांना दिल्या आहेत.
