जळगाव : प्रतिनिधी
जागतिक अवयवदान दिनानिमित्त १३ ऑगस्ट रोजी गोदावरी नर्सिंग महाविद्यालयाच्या युथ रेडक्रॉस विंगतर्फे शहरातील टॉवर चौकापासून सुरु झालेली रॅली पुढे शिवाजी चौक – चित्रा चौक – आठवडे बाजार – रेडक्रॉस भवनापर्यंत निघाली होती. यावेळेस शहरातील नागरिकांचे पथनाट्याद्वारे जनजागृती करण्यात आली. तसेच या रॅलीचे नागरिकांनी विशेष कौतुक केले.
सकाळी ९ वाजता टॉवर चौकापासून आ. सुरेश भोळे, जळगाव रेडक्र्रॉस सोसायटीचे उपाध्यक्ष गनी मेमन, चेअरमन विनोद बियाणी, ज्युनियर युथ रेडक्रॉस चेअरमन डॉ.अपर्णा मकासरे यांच्या प्रमुख उपस्थीतीत रॅलीला सुरुवात झाली. तत्पूर्वी विद्यार्थ्यांनी पटनाट्याद्वारे अवयव दान याबाबत मार्गदर्शन केले तसेच अवयव दानाचे महत्वही पटवून दिले. टॉवर चौकापासून सुरु झालेली रॅली पुढे शिवाजी चौक – चित्रा चौक – आठवडे बाजार – रेडक्रॉस भवनापर्यंत काढण्यात आली. याप्रसंगी युथ रेडक्रॉसचे सदस्य तसेच गोदावरी नर्सिंग महाविद्यालयातील प्राध्यपकांसह विद्यार्थी वर्गमोठ्या उपस्थीत सहभागी झाले होते.
