लखनऊ : वृत्तसंस्था
आतापर्यंत तुम्ही रस्त्यावर किरकोळ कारणाने हाणामारीच्या घटना आपण पाहत असतो काही काही घटनांमध्ये महिला देखील सहभागी असल्याचे दिसते व त्या प्रकारांचे व्हिडीओ देखील व्हायरल झालेले असतात. त्याचप्रकारे हा विडिओ व्हायरल झालेला आहे. यामध्ये तब्बल ९० सेकंदात या महिलेने रिक्षा चालकास १७ वेळा कानशिलात लगावली आहे. सोशल मीडियावर महिलेने ई-रिक्षा चालकाला मारहाण केल्याचा व्हिडिओ आतापर्यंत लाखो लोकांनी पाहिला आहे.
17 slaps in 90 seconds. This lady humiliated a rickshaw puller for a minor incident happened in Noida. She reminds me Lucknow girl incident.#Noida #LaalSinghChadha #SalmanRushdie #jaihind #HarGharTringa #Pathaan #FlopLaalSinghChaddha pic.twitter.com/d5K4Lep8Mf
— Nishant Kataria ✸ (@Nishantdnd) August 13, 2022
नोएडा पोलिसांनी शनिवारी एका महिलेला सार्वजनिकरित्या ई-रिक्षा चालकाला मारहाण केल्याप्रकरणी अटक केली. या घटनेचा व्हिडिओ सोशल मीडियावर व्हायरल झाला आहे. आरोपी महिलेचं नाव किरण सिंह असून ती नोएडा येथील रहिवासी आहे. ती मूळची आग्रा येथील आहे. एका पोलीस अधिकाऱ्याने आयएएनएसला सांगितलं की, किरण सिंह चालवत असलेली वॅगन कार आणि ई-रिक्षा यांच्यात झालेल्या किरकोळ अपघातानंतर ही घटना घडली. अधिका-याने सांगितलं, की “महिला कारमधून खाली उतरली आणि तिने ई-रिक्षा चालकाला अनेकवेळा चापट मारली.” व्हायरल व्हिडिओमध्ये आरोपी महिला केवळ 90 सेकंदात किमान 17 वेळा ई-रिक्षा चालकाला कानशिलात मारताना दिसत आहे.
ही महिला ई-रिक्षा चालकाच्या कॉलरला पकडून त्याला कारवरील खुणा दाखवताना दिसत आहे आणि त्याला चापट मारत आहे. घटनेचा व्हिडिओ सध्या व्हायरल झाला आहे. पोलिसांनी महिलेविरुद्ध गुन्हा दाखल करून तिला अटक केली आहे.
