रिक्षा चालकांना संधी मिळाली तर ते काहीही करू शकतात खरं सांगायचं झालं तर त्यांच्या इतके जबरदस्त रायडर्स एक्स अॅक्शन किंवा F1 रेसिंग स्पर्धेतही सापडणार नाहीत. विश्वास बसत नाही? तर मग हा व्हिडीओ पाहा, ‘खतरों के खिलाडी’ या कार्यक्रमातील खेळाडूंनाही लाजवेल असा स्टंट हा रिक्षावाला करतोय. रस्त्यावर ट्रॅफिक जॅम होतं, म्हणून या भावानं चक्क स्कायवॉकवर रिक्षा पळवली. या रिक्षावाल्याचं धाडस पाहून सर्वांनाच धक्का बसला आहे. हा व्हिडीओ पाहून तुम्ही देखील आपली बोट तोंडात घालाल.
Bas yahi dekhna baaki tha! https://t.co/wuAZvBy5fh
— Roads of Mumbai (@RoadsOfMumbai) August 19, 2022
मीडिया रिपोर्टनुसार हा व्हिडीओ मुंबई अहमदाबाद महामार्गावर विरार जवळील एका पुलावर चित्रीत केला आहे. रस्त्यावर ट्रॅफिक जॅम होतं. अन् या पठ्ठ्याला पलिकडे जायचं होतं. त्यामुळे मग त्याने ट्रॅफिकमध्ये उभं राहून वाट पाहण्याऐवजी रजनीकांत स्टाईलमध्ये रिक्षा चालवण्याचा निर्णय घेतला. थेट पायऱ्यांवरून स्कायवॉकवर रिक्षा चढवली अन् ती दुसऱ्या बाजूने खाली उतरवली. रिक्षावाल्याचं हे धाडस आसपास अभ्या असलेल्या प्रेक्षकांनी आपल्या कॅमेऱ्यात कैद केलं. अन् तो व्हिडीओ आता सोशल मीडियावर व्हायरल होतोय.
हा व्हिडीओ सध्या सोशल मीडियावर चर्चेत आहे. नेटकरी यावर विविध प्रकारच्या गंमतीशीर प्रतिक्रिया देत आहेत.
काहींच्या मते या रिक्षामध्ये दबंगमधील सलमान खान आहे. तर काही जण म्हणतायेत रजनीकांत रिक्षा चालवतोय. अर्थात रिक्षा चालवणारा तो रायडर कोण आहे? हे कळलेलं नाही. पण या रिक्षावाल्यानं सर्वांनाच चकित केलंय. तुम्ही देखील हैराण झालात ना हा व्हिडीओ पाहून.
