पुणे : वृत्तसंस्था
पुण्यातील येरवडा परिसरात राहणाऱ्या एका तीन वर्षीय चिमुरडीवर कुटुंबीयांच्या ओळखीच्या ४८ वर्षीय इसमाने जबरदस्ती करत विनयभंग करण्याचा धक्कादायक प्रकार घडला आहे. याप्रकरणी येरवडा पाेलिसांनी आराेपी दिपक ऊर्फ लाल्या कचरु मस्के (वय- 48) या आराेपीस अटक केली.
हा प्रकार 20 सप्टेंबर राेजी रात्री अकरा वाजण्याच्या सुमारास घडला असून याप्रकरणी आराेपीवर विनयभंगचा गुन्हा दाखल करण्यात आल्याची माहिती पाेलिसांनी गुरुवारी दिली. याबाबत मुलीच्या 28 वर्षीय वडीलांनी पाेलिसांकडे आराेपी विराेधात फिर्याद दिली. सदर पिडित मुलगी आणि आराेपी एका वस्तीत एकमेकांच्या घराजवळ राहणारे आहेत. तीन वर्षाची चिमुरडी ही घराजवळ राहणाऱ्या मामीच्या घरी जात असताना, जवळच शेजारी राहणाऱ्या आराेपी दिपक मस्के याने मुलीस घरात ओढून लाईट व दरवाजा बंद करुन तिच्याशी लैंगिक गैरवर्तन केले.
याप्रकरणी पिडित मुलीने घरी जाऊन घडलेला प्रकार सांगितल्यानंतर पालकांनी याबाबत येरवडा पाेलिस ठाण्यात धाव घेऊन आराेपी विराेधात तक्रार दाखल केली आहे. पाेलिसांनी आराेपीवर भादंवि कलम 354 सह पाेक्साे कायदा 8,12 प्रमाणे गुन्हा दाखल करण्यात आला आहे. याबाबत पाेलिस उपनिरीक्षक एन. गाताडे तपास करीत आहेत.
