जळगाव मिरर | १३ फेब्रुवारी २०२४
तालुक्यातील मन्यारखेडा येथे राहणाऱ्या १४ वर्षीय अल्पवयीन मुलीला अज्ञात व्यक्तीने फूस लावून पळवून नेल्याची घटना दि. १० फेब्रुवारी रोजी रात्री ८ वाजेच्या सुमारास उघडकीस आली. याप्रकरणी रविवारी नशिराबाद पोलीस ठाण्यात अज्ञात व्यक्तीविरोधात अपहरणाचा गुन्हा दाखल करण्यात आला आहे.
मिळालेल्या माहितीनुसार, मन्याखेडा येथे १४ वर्षीय अल्पवयीन मुलगी ही आपल्या परिवारासह वास्तव्याला आहे. शनिवार दि. १० फेब्रुवारी रोजी रात्री ८ वाजता अल्पवयीन मुलगी ही घरी असतांना तिला अज्ञात व्यक्तीने काहीतरी आमिष दाखवत फूस लावून पळवून नेले. हा प्रकार लक्षात आल्यानंतर पिडीत मुलीच्या नातेवाईकांनी तिचा सर्वत्र शोध घेतला परंतू कोणतीही माहिती मिळाली नाही. अखेर रविवारी पिडीत मुलीच्या पालकांनी नशिराबाद पोलीस ठाण्यात धाव घेवून अज्ञात व्यक्तीन फूस लावून पळवून नेल्याची तक्रार दिली. त्यानुसार अज्ञात व्यक्तीविरोधात नशिराबाद पोलीस ठाण्यात अपहरणाचा गुन्हा दाखल करण्यात आला आहे. पुढील तपास सहाय्यक फौजदार रविंद्र तायडे हे करीत आहे.