अमळनेर : विक्की उत्तम जाधव
जळगाव जिल्ह्यात दिवाळीचा उत्सव सुरु असतांना अमळनेर तालुक्यातील एका गावात दुर्देवी घटना घडली आहे. शौचालयाच्या टाकीत दोन वर्षाचा चिमुकला पडल्याने त्याचा मृत्यू झाल्याची घटना तालुक्यातील अमळनेर तालुक्यातील कावपिंप्रीत सोमवारी १२ नोव्हेंबर रोजी सायंकाळी ५ वाजेच्या सुमारास समोर आले आहे. यात भूषण दिलीप सोनवणे (वय-२) या बालकाचा दुर्देवी मृत्यू झाला आहे.
मिळालेल्या माहितीनुसार, अमळनेर तालुक्यातील कावपिंप्री येथील अशोक सोनवणे यांच्या नवीन घराचे बांधकाम सुरू असल्याने त्याठिकाणी शौचालयासाठी लागणारी टाकीचे बांधकाम करण्यात आले असून ही टाकी पुर्णपणे पाण्याने भरलेले होते. दरम्यान भूषण सोनवणे याचा शौचालयाच्या टाकीत पडून बुडून मृत्यू झाला होता. हा बाब त्याचे आजोबा लिलाधर गोविंदा सोनवणे यांना शौचालयाच्या टाकीत चिमुकला भूषण हा टाकीत मयतावस्थेत तरंगतांना दिसून आला. त्याला बाहेर काढून तातडीने अमळनेर येथील ग्रामीण रूग्णालयात दाखल केले असता वैद्यकीय अधिकारी यांनी मयत घोषीत केले. याबाबत अमळनेर पोलीसात अकस्मात मृत्यूची नोंद करण्यात आली आहे. पुढील तपास पोहेकॉ संजय पाटील करीत आहे.
