जळगाव मिरर | २२ मार्च २०२४
राज्यातील अनेक अल्पवयीन मुलीसह महिलावर विनयभंग व अत्याचाराच्या धक्कादायक घटना घडत असताना एक संतापजनक घटना अहमदनगर जिल्ह्यातील राहुरी तालुक्यातील महात्मा फुले कृषी विद्यापीठात प्रशिक्षणासाठी आलेल्या ३६ वर्षीय महिलेचा अंघोळ करताना मोबाइलवर व्हिडीओ काढण्यात आला. याप्रकरणी विद्यापीठातील कर्मचारी गणेश तुकाराम चौधरी (रा. नारंगीनगर, यवतमाळ, ह. मु ज्ञानेश्वर कॉलनी, विद्यापीठ) याच्यावर विनयभंगाचा गुन्हा दाखल करीत पोलिसांनी त्याला अटक केली.
मिळालेल्या माहितीनुसार, बुधवारी सकाळी ही घटना घडली. विद्यापीठामध्ये प्रशिक्षणासाठी काही शेतकरी आले आहेत. त्यांच्यासाठी निवासाची व्यवस्था करण्यात आली आहे. यात पुणे जिल्ह्यातील एक ३६ वर्षीय महिला अंघोळ करत होती. यावेळी विद्यापीठातील अभियंता विभागामध्ये मिस्तरी म्हणून कार्यरत असलेला चौधरी याने खिडकीमधून व्हिडीओ काढला. हा प्रकार लक्षात आल्यानंतर संतप्त झालेल्या महिलेने राहुरी पोलिस ठाण्यात धाव घेतली.
संशयित आरोपी चौधरी याचा मोबाइल पोलिसांनी जप्त असून, घटनास्थळावरील सीसीटीव्ही फुटेज तपासले जाणार आहे. विद्यापीठ प्रशासनाकडून अद्याप यासंबंधी माहिती घेतलेली नाही. तपास सुरू आहे,
