जळगाव मिरर | ३ मार्च २०२४
जामनेर तालुक्यातील पहूर येथे नागपूरकडे जाणाऱ्या मालवाहतूक पिकअप वाहनाने दुचाकीला धडक दिली. यात गंभीर जखमी महिलेचा उपचारादरम्यान मृत्यू झाला. ही घटना शेंदुर्णी-पहूरला रस्त्यावर शनिवारी पहाटे घडली आहे. शरीफा अश्रफ तडवी असे महिलेचे नाव आहे.
पोलिसांनी दिलेल्या माहितीनुसार, मालवाहतूक पिकअप वाहन नागपूरकडे जात असताना शनिवारी पहाटे पहूरनजीक मुलासोबत दुचाकीने जात असताना वाहनाची धडक बसली. दुचाकीवरून शरीफा अश्रफ तडवी (४०, पहूर) या खाली पडल्याने गंभीर जखमी झाल्या. त्यांना पहूर ग्रामीण रुग्णालयात दाखल करण्यात आले.
पुढील उपचारासाठी जळगाव येथील शासकीय वैद्यकीय महाविद्यालयात हलविण्यात आले होते. येथे शरीफा यांच्यावर उपचार सुरू असताना उपचारादरम्यान मृत्यू झाला, असे पोलिसांनी सांगितले. घटनास्थळी सहायक फौजदार भरत लिंगायत, राहुल जोहरे व रवींद्र देशमुख यांनी पाहणी करून मदतकार्य केले.
