जळगाव मिरर | ४ डिसेंबर २०२३
जामनेर तालुक्यातील पहूर येथून जवळच असलेल्या हिवरखेडा येथे शेतातील तुटलेली वायर जोडत असताना विजेच्या धक्क्याने तरुण शेतकऱ्याचा जागीच मृत्यू झाल्याची हृदयद्रावक घटना आज दि.३रोजी रविवारी दुपारी २ वाजेच्या सुमारास घडली.
मिळालेल्या माहितीनुसार, योगेश अशोक पाटील (वय २४) नेहमीप्रमाणे आपल्या गावालगत असलेल्या केळीच्या शेतात गेले असता त्यांना वायर तुटलेली आढळली तुटलेली वायर जोडण्याचा प्रयत्न करत असतानाच त्यांना विजेचा जबर धक्का बसल्याने त्यांनी जोरात किंकाळी ठोकली अन् ते जमीनीवर कोसळले. त्यांच्या त्या आवाजाने बाजूलाच क्रिकेट खेळत असणाऱ्या मुलांनी सदर घटनेची माहिती गावातील लोकांना दिली. गावकऱ्यांनी घटनास्थळी धाव घेत योगेश अशोक पाटील यांना पहूर ग्रामीण रुग्णालयात दाखल केले. वैद्यकीय अधिकारी डॉ. नजमुद्दीन तडवी यांनी उपचारांती त्यांना मृत घोषित केले.
