जळगाव मिरर | ३० ऑक्टोबर २०२४
मध्यरात्रीच्या सुमारास कारागृहातील टीव्हीवर पेन ड्राईव्ह लावून अश्लिल चित्रफीत पाहणाऱ्या बंदीवर कारागृह पोलिसांनी कारवाई केली. ही घटना दि. २६ ऑक्टोंबर रोजी मध्यरात्रीच्या सुमारास घडली. बंदीकडून दोन पेन ड्राईव्ह जप्त करण्यात आले. याप्रकरणी कारागृहातील बंदी राहुल भरत भट याच्याविरुद्ध जिल्हापेठ पोलिसात गुन्हा दाखल करण्यात आला आहे.
मिळालेल्या माहितीनुसार, शहरातील जिल्हा मध्यवर्ती कारागृहात खूनातील संशयित राहुल भरत भट हा गेल्या दीड वर्षांपासून न्यायालयीन कोठडीत असून कारागृहातील बॅरेक ६ मध्ये ठेवण्यात आले आहे. दि. २६ ऑक्टोंबर रोजी पहाटे एक वाजेच्या सुमारास तुरुंग अधिकक्षक सचिन चिकणे हे संचारफेरी करीत होते. यावेळी त्यांना सव्वा वाजेच्या सुमारास बॅरेक ६ मध्ये टीव्ही सुरु असल्याचे दिसले. त्यांनी कारागृहातील शिपायांना बॅरेकमधील टीव्ही बंद करुन बंदीना झोपण्यास सांगा अशा सूचना दिल्या. त्यानुसार शिपाई हे बॅरेकमध्ये शिरताच त्यांना बंदींनी टीव्हीला पेन ड्राईव्ह लावून त्यावर अश्लिल चित्रफीत बघत असल्याचे त्यांना दिसले. दरम्यान, बॅरेकमधील बंदी राहुल भट हा टीव्हीच्या मागे हात टाकून काहीतरी काढतांना शिपायांना दिसला.
