अमळनेर : विक्की उत्तम जाधव
शालेय राज्यस्तरीय कुस्ती स्पर्धेत १९ वर्षांखालील गटात अमळनेरच्या निजामअली सैय्यद याने राज्यात दुसरा क्रमांक पटकावला आहे. त्याला रौप्य पदक व प्रमाणपत्र देऊन गौरविण्यात आले.
निजामअली सैय्यद याने १९ वर्षांखालील ९२ किलो वजन गटात चंद्रपूर येथे झालेल्या राज्यस्तरीय स्पर्धेत अमरावतीच्या करण पवार याला १३-० ने पराभूत केले. लातूर च्या सागर यादव व कोल्हापूरच्या ओम शेवाळे याना चित केले तर संभाजीनगर च्या युवराज जाधव याला १० -० ने पराभूत केले. निजाम अली याला हाजी शब्बीर पहेलवान व हसन पहेलवान यांचे मार्गदर्शन लाभले. निजामअली के डी गायकवाड हायस्कूलचा विद्यार्थी असून त्याच्या उत्तुंग यशाबद्दल चेअरमन अविनाश संदानशीव ,मुख्याध्यापक आनंदराव नेतकर , क्रीडा शिक्षक निलेश विसपुते यांनी अभिनंदन केले आहे.
