धरणगाव : विनोद रोकडे
धरणगाव येथील बाळासाहेबांची शिवसेना कार्यालय बैठकीच आयोजन करण्यात आले होते. या प्रसंगी मार्गदर्शन करताना पी एम पाटील सर यांनी सांगितले 3 डिसेंबर जागतिक अपंग दिवस त्या दिवशी तालुका मेळावा तसेच ना.गुलाबराव पाटील साहेब यांच्या सहकार्याने स्वर्गीय सलीम पटेल यांच्या संकल्पनेतून महात्मा गांधी उद्यान लोकार्पण सोहळा आयोजित करण्यात आला आहे.
धरणगाव शहरामध्ये भव्य दिव्य असे गार्डन व्हावे त्यात जेष्ठ नागरिक महिला पुरुष विद्यार्थी यांच्यासाठी सर्व सोयी युक्त असे गार्डन व्हावे आज ते स्वप्न साकार व्हायला जात आहे. धरणगाव शहरात जळगाव शहरापेक्षा सुद्धा अतिशय उत्कृष्ट असे महात्मा गांधी उद्यान पूर्ण होत असून 3 डिसेंबर रोजी जळगाव जिल्ह्या पालकमंत्री गुलाबराव पाटील साहेब व विविध मान्यवरांच्या उपस्थितीत लोकार्पण कार्यक्रम होत असून सदर कार्यक्रमाला हजारो संख्येने नागरिकांनी उपस्थित द्यावी यासाठी सर्व कार्यकर्त्यांनी प्रयत्न करावे असे आवाहन केले. महात्मा गांधी उद्यान होण्यासाठी ज्यांनी ज्यांनी सहकार्य केले त्या सर्वांचे आम्ही ऋणी आहोत भविष्यात पालकमंत्र्यांच्या सहकार्याने जे ही विकास कामे अपूर्ण राहिले असतील त्या प्रामुख्याने धरणगाव तालुका क्रीडा संकुल, बालकवी ठोंबरे स्मारक,शासकीय विश्रामगृह,धरणगाव उपजिल्हा रुग्णालय या सर्व कामांच्या आम्ही पाठपुरावा करून लवकरात लवकर सदर कामे सुद्धा मार्गी लागतील येणाऱ्या काळात काही दिवसात धरणगावकरांना एक दिवसाआड किंवा रोज पाणी मिळेल यासाठी आम्ही सातत्याने प्रयत्न करीत आहोत.त्यासाठी नागरिकांनी सुद्धा आम्हाला सहकार्य करावे हीच आमची अपेक्षा. या प्रसंगी पप्पू भावे,संजय चौधरी,विलास महाजन यांनी सुद्धा मार्गदर्शन केले. सदर बैठकीला अनेक कार्यकर्ते नगरसेवक व पदाधिकारी उपस्थित होते.
