जळगाव मिरर / २० एप्रिल २०२३ ।
देशासह राज्यातील अनेक लोक सोशल मिडीयाचा वापर करीत असतात त्यात चांगला देखील वापर होतो तर काही लोक त्याचा चुकीचा देखील वापर करीत असतात. अशाच एकाने चक्क जिल्ह्यातील एका आमदाराची सोशल मिडीयावर बदनामी केल्याप्रकरणी त्या इसमाविरोधात भुसावळ बाजार पेठ पोलिसात गुन्हा दाखल करण्यात आला आहे.
मिळालेल्या माहितीनुसार, जिल्ह्यातील भुसावळ विधानसभा मतदार संघातून निवडून आलेले आ.संजय सावकारे यांची सोशल मिडीयातून बदनामी केल्याप्रकरणी शहरातील एका राजकीय पदाधिकार्यांचा कार्यकर्तेच्या विरोधात भुसावळ बाजारपेठ पोलिसात अदखलपात्र गुन्हा दाखल करण्यात आला. या घटनेने शहरातील राजकीय वर्तुळात मोठी खळबळ उडाली आहे. तारकेश्वर प्रकाश राणे (वय ३५) यांनी मंगळवारी बाजारपेठ पोलिसात केलेल्या तक्रारीनुसार, संशयित बबलू खाने याने त्याच्या फेसबुक पेजवरून टक्केवारीबाबत आमदारांविषयी अपशब्द वापरले. आमदारांबाबतचा हा मजकूर फेसबुकवर टॅग करीत आमदारांची राज्यासह शहरात बदनामी केली. बाजारपेठ पोलिसांनी या प्रकरणी भादंवि 500 प्रमाणे अदखलपात्र गुन्हा दाखल केला आहे. तपास हवालदार सुनील जोशी करीत आहेत.