जळगाव मिरर । ३० नोव्हेबर २०२२
रावेर तालुक्यातील सावदा शहरात दि.२८ रोजी रात्री १० वाजे दरम्यान अवैध गोवंश वाहतूक करणारी गाडी येथील कत्तल खान्याजवळ असल्याची माहिती गोरक्षकांना मिळाली. ते गाडी पहाण्यासाठी गेले असता त्यांचेवर येथील युवकांनी बंदूक, तलवार ,लाठ्या, काठ्यांचा सर्रास वापर करून गोरक्षकांवर जीवघेणा हल्ला केला. यात ५ गोरक्षक गंभीर रित्या जखमी झाले. दरम्यान पोलिसांनी गुन्हा दाखल करून ९ संशयितांना अटक केली आहे.
या बाबत जितेंद्र किसन भारंबे यांनी फिर्याद दिली आहे. त्यानुसार जितेंद्र भारंबे, पवन महाजन, अक्षय पाटील यांना घटनास्थळी संशयीत आरोपी बिलाल कुरेशी, अशपाक कुरेशी, कादर कुरेशी, त्यांचे सोबत ३० ते ४० युवक यांनी कत्तल खान्याजवळ गोवंश वाहतूकीची गाडी पहाण्यासाठी आले असता त्यांच्यावर बंदूक, लोखंडी राॅड, लाठ्या, काठ्या व तलवारीचा वापर करुन जबरदस्त मारहाण केली. यात माजी नगरसेविका रंजना भारंबे यांचे पती तथा भाजप शहराध्यक्ष जितेंद्र भारंबे यांना बंदूकीच्या उलट्या बाजूने वार करीत जखमी केले. तसेच सोबत च्या मुलांवर तलवार, लोखंडी राॅड, लाठ्या काठ्यांनी मारहाण केली.
याबाबतची माहिती सावदा पोलिसांना मिळताच सावदा पोलिसांनी घटनास्थळी धाव घेतली जखमींना फैजपूर येथील आशिर्वाद हॉस्पीटल मध्ये उपचारासाठी दाखल करण्यात आले. तर राहुल पाटील यांना सावदा येथील व्ही जे वारके याचे दवाखान्यात उपचारासाठी दाखल करण्यात आले आहे . तेथून पोलिसांनी फिर्याद घेत घटनेची माहिती घेऊन रात्री उशीरा सपोफौ २२४० अनवर सरदार तडवी यांनी फिर्याद दाखल करून घेतली यात सीसी टी एन एस गुरन २४१ /२२ भादवी कलम ३०७ , १४३ ,१४७ ,१४८ ,१४९ ,३२३ ,सह आर्मी अॅक्ट ३ / २५ ,४ / २५ प्रमाणे नोंद करण्यात आली आहे. दरम्यान घटनेची माहिती शहरात पसरताच शहरात मोठ्या प्रमाणात तणाव निर्माण झाला आहे. हिंदू गोरक्षकांवर नेहमीच असे हल्ले व अवैध गोवंश ची वाहतुक आणि कत्तल होत असतानाही संशयीत व आरोपींवर ठोस कारवाई केली जात नसल्याने मोठ्या प्रमाणात नाराजी व्यक्त होत आहे.
घटनेची माहिती मिळताच जिल्हा पोलिस अधीक्षक तसेच फैजपूर उपविभागीय पोलिस अधिकारी कृणाल सोनवणे, भुसावळ उपविभागीय पोलिस अधिकारी वाकचौरे यांनी धाव घेत शहरात कायदा व सुव्यवस्थेचा आढावा घेतला. सावदा पोलिस स्टेशन चे सपोनी जलिदर पळे हे घटने बाबत माहिती घेत असून शहरात तणावपूर्ण शांतता आहे. पोलिसांनी बंदोबस्त लावल्याने शहराला छावणी चे स्वरूप प्राप्त झाले आहे.
