जळगाव मिरर | २७ जून २०२३
राज्याचे मुख्यमंत्री एकनाथ शिंदे व उपमुख्यमंत्री देवेद्र फडणवीस यांचा आज जळगाव शहरातील दौर्याच्या आधी राष्ट्रवादीचे नेत्या रोहिणी खडसे यांच्यासह पदाधिकारी यांना आज पोलीसांनी ताब्यात घेतले आहे. यावेळी नेत्यासह कार्यकर्त्यांनी जोरदार घोषणाबाजी केल्याने परिसर दणाणून गेला होता.
मिळालेल्या माहितीनुसार, जळगाव शहरातील जिल्हा पोलीस मैदानावर आज सायंकाळी मुख्यमंत्री एकनाथ शिंदे आणि उपमुख्यमंत्री देवेद्र फडणवीस यांच्या उपस्थितीमध्ये ‘शासन आपल्या दारी’ उपक्रमाच्या अंतर्गत लाभार्थ्यांना लाभ वाटप कार्यक्रमाचे आयोजन करण्यात आले आहे. दरम्यान, या कार्यक्रमाच्या दरम्यान आमदार एकनाथराव खडसे आणि त्यांच्या सहकार्यांनी मुख्यमंत्र्यांना काळे झेंडे दाखविण्यात येणार असल्याचा इशारा देण्यात आला होता. दि.२६ रोजी जिल्हा प्रशासन आणि राष्ट्रवादीच्या नेत्यांची बैठक झाली. यात बहुतांश मागण्या करण्यात आल्या असल्या तरी कपाशीच्या भावावर मुख्यमंत्र्यांनी भूमिका स्पष्ट न केल्यामुळे अडसर कायम राहिला असून खडसे हे आंदोलनावर ठाम राहिले आहेत. आज मुख्यमंत्री जळगावात दाखल होण्याआधी दुपारी बारा वाजेच्या सुमारास राष्ट्रवादीचे नेत्या रोहिणी खडसे यांच्यासह पदाधिकारी अशोक लाडवंजारी, मंगला पाटील, रिंकू चौधरी यांना आपल्या सहकारी पदाधिकार्यांसोबत शहरातील आकाशवाणी चौकातील राष्ट्रवादीच्या जिल्हा कार्यालयात बसलेल्या असतांना त्यांना पोलिसांनी ताब्यात घेतले.
