जळगाव मिरर / १६ एप्रिल २०२३ ।
राज्यात ठाकरे व शिंदे गट यांचा वाद राज्यभरातील जनता पाहत आहे. मुख्यमंत्री एकनाथ शिंदे यांनी ४० आमदाराने घेवून वेगळी चूल मांडल्यानंतर ठाकरे गटाला मोठे भगदाड पडले आहे. ठाकरे गटाचे मैदान मारण्यासाठी खूप कमी नेते पक्षात असल्याचे चित्र आता जाणवू लागले आहे. त्यातच भविष्यातील निवडणूका काही महिन्यावर येवून ठेपल्याने महाविकास आघाडी सोबत राज्यात सभा सुरु केली आहे. तर या सभेत ठाकरे परिवारातील सर्वात लहान सदस्य तेजस ठाकरे यांना मैदानात उतरविण्यात येत आहे.
छत्रपती संभाजीनगर शहरात झालेल्या सभेनंतर आज नागपूर शहरात महाविकास आघाडीची ‘वज्रमूठ सभा’ होणार आहे. नागपूर शहरातील दर्शन कॉलनीतील सद्भावना नगर इथल्या मैदानावर या सभेचे आयोजन करण्यात आले आहे. तर या सभेला माजी मुख्यमंत्री उद्धव ठाकरे, विरोधी पक्षनेते अजित पवार आणि महाविकास आघाडीचे प्रमुख नेते यांची प्रमुख उपस्थिती असणार असल्याने या सभेकडे सर्वांचेच लक्ष लागले आहे. मात्र याच सभेत उद्धव ठाकरेंचे पुत्र तेजस ठाकरे प्रमुख आकर्षण ठरवण्याची शक्यता आहे. कारण या ‘वज्रमुठ सभे’ला तेजस ठाकरेंची देखील उपस्थिती असण्याची शक्यता आहे. ठाकरे गटाचे नेते तथा विरोधी पक्षनेते अंबादास दानवे यांनी याबाबत माहिती दिली आहे.
नागपूरच्या दर्शन कॉलनीतील सद्भावना नगर इथल्या मैदानावर महाविकास आघाडीची ‘वज्रमूठ सभा’ होणार आहे. छत्रपती संभाजीनगरमध्ये झालेल्या सभेनंतरची ही दुसरी सभा असणार आहे. सभेला होणारा विरोध पाहता सुरवातीपासून ही सभा चर्चेचा विषय ठरत आहे. दरम्यान पोलिसांनी देखील सभेला परवानगी दिली आहे. त्यामुळे या सभेला आता काही तास उरले आहे. दरम्यान त्यापूर्वीच अंबादास दानवे यांनी या सभेत तेजस ठाकरे देखील उपस्थित राहणार असल्याची शक्यता वर्तवली आहे. याबाबत बोलताना दानवे म्हणाले की, “नागपूरच्या सभेला तेजस ठाकरे येण्याची शक्यता आहे. तेजस ठाकरे हे तरुणांसाठी प्रेरणादायी नाव आहे. त्यामुळे या सभेत त्यांनी यावे अशी देखील तरुणांची इच्छा आहे,” असे दानवे म्हणाले.
