जळगाव मिरर | १० मे २०२३
जामनेर तालुक्यातील एका गावातील दोन तरूण कामानिमित मुक्ताईनगर – मलकापूर दरम्यान घोडसगाव गावाजवळ अज्ञात वाहनाच्या धडकेत दुचाकीस्वार ठार झाल्याची घटना सोमवारी रात्री सव्वाअकरा वाजता घडली.
मिळालेल्या माहितीनुसार, जामनेर तालुक्यातील कापूसवाडी येथील पृथ्वीराज चव्हाण आणि सागर गोपाळ अशी मयतांची नावे आहेत. अज्ञात वाहनाने मोटारसायकलला (एम.एच.१९ / सीएस ६९६८) जोरदार धडक दिली. दोन्ही तरुणांच्या मृतदेहाचे विच्छेदन करून त्यांच्यावर मंगळवारी शोकाकुल वातावरणात अंत्यसंस्कार करण्यात आले. यासंदर्भात चरणसिंग सावजी चव्हाण (कापूसवाडी, ता. जामनेर) यांनी दिलेल्या फिर्यादीवरून मुक्ताईनगर पोलिस स्थानकात अज्ञात वाहन चालकाविरुद्ध गुन्हा दाखल करण्यात आला आहे.
