जळगाव मिरर | २ ऑगस्ट २०२३
भडगाव तालुक्यातील गौडगाव येथील बालिका दि. ३० रोजी बेपत्ता झाल्याची तक्रार भडगाव पोलीस स्टेशनला दाखल करण्यात आली होती. तिचा मृतदेह गोंडगाव येथील गोठ्यात कडबा कुट्टीच्या ढिगाऱ्यात मिळून आला. रात्री उशिरा घटनास्थळी पोलिसांचा ताफा दाखल झाला आहे.
मिळालेल्या माहितीनुसार, गोंडगाव येथील कल्याणी संजय पाटील ही सात वर्षाची बालिका बेपत्ता झाल्याची तक्रार दि. ३० रोजी सायंकाळी भडगाव पोलीस स्टेशनला देण्यात आली. या बालिकेचा तपास सुरू असतानाच मंगळवारी गोठ्यात कडबा कुट्टीच्या ढिगाऱ्यात तिचा मृतदेह सापडला. ही माहिती मिळताच सहाय्यक पोलिस अधीक्षक रमेश चोपडे, पोलिस उपविभागीय अधिकारी अभयसिंग देशमुख, पोलीस निरीक्षक राजेंद्र पाटील, सहाय्यक पोलीस निरीक्षक चंद्रसेन पालकर, कजगाव पोलीस मदत केंद्राचे छबुलाल नागरे, नरेंद्र विसपुते, भडगाव पोलिस स्टेशनचे पोलिस कर्मचाऱ्यांनी घटनास्थळी भेट देऊन चौकशी सुरू केली आहे.
