जळगाव मिरर / २८ एप्रिल २०२३ ।
जळगाव शहरात गेल्या काही महिन्यापासून बंद घराचे कुलूप तोडून मुद्देमाल लंपास केल्याच्या घटनेमध्ये सातत्याने वाढ होत असतांना दिसून येत आहे आज पुन्हा शहरातील दांडेकर नगर परिसरातील सत्यम पार्कमधील बंद घराचे कुलूप चोरट्यांनी तोडले आहे. या प्रकरणी शहर पोलिसात गुन्हा दाखल करण्यात आला आहे.
पोलिसांनी दिलेल्या माहितीनुसार, शहरातील सत्यम पार्क परिसरातील रहिवासी असलेले अशोक सुरेश जोहरे(वय ३१) हे खाजगी नोकरी करून आपल्या परिवाराचा उदरनिर्वाह करतात. दि २३ रोजी दुपारी घराला कुलूप लावून बाहेर गेले असतांना अनोळखी चोरट्यांनी मध्यरात्रीच्या सुमारास घराचे कुलूप तोडून घरात प्रवेश करीत घरातील राजाराणी कपाटाचे लॉकर तोडून ३२ हजारांचे सोन्याचे दागिने तर ४० हजराची रोकड लंपास केली आहे. या प्रकरणी शहर पोलिसात गुन्हा दाखल करण्यात आला असून पुढील तपास पोहेकॉ.संजय भालेराव हे करीत आहेत.