जळगाव मिरर | ९ ऑक्टोबर २०२३
पाचोरा शहरातील एका परिसरात हातात तलवार घेवून दहशत माजविणाऱ्या तरूणाला पोलिसांनी ताब्यात घेतले आहे. यासोबतच लोखंडी तलवार जप्त करीत तरुणाला अटक करण्यात आली आहे. या प्रकरणी पाचोरा पोलिसात गुन्हा दाखल करण्यात आला आहे.
मिळालेल्या माहितीनुसार, पाचोरा शहरातील जारगाव येथील रहिवासी विशाल पंकज देसले (वय-२०) हा तरुण हातात तलवार घेवून जारगाव चौफुली येथे दहशत माजवित असल्याची गोपनिय माहिती पाचोरा पोलीस ठाण्याचे पोलीस निरिक्षक राहूल खताळ यांना मिळाली. त्यानुसार त्यांनी पथकाला कारवाई करण्याच्या सुचना दिल्या.
पोलीसांनी धडक कारवाई करत संशयित आरोपी विशाल देसले याला अटक केली. त्यांच्याकडून लोखंडी तलवार हस्तगत केली आहे. याप्रकरणी पोलीस हवलदार योगेश पाटील यांनी दिलेल्या फिर्यादीवरून पाचोरा पोलीस ठाण्यात गुन्हा दाखल करण्यात आला आहे. पुढीलतपास पोहेकॉ सचिन निकम करीत आहे.
