जळगाव मिरर | ६ नोव्हेंबर २०२५
आदि सतगुरु सुखरामजी महाराज यांच्या मोक्षतिथीनिमित्त जळगावातील रामद्वारा (जगतपाल) येथे आयोजित अखंड रामनाम भजनाचा चार महिन्यांच्या अखंड नामस्मरणाचा समारोप मोठ्या भक्तीभावात पार पडला. दि. ६ जुलै ते ५ नोव्हेंबर २०२५ या कालावधीत रामद्वारा सिव्हिल हॉस्पिटल आणि रामद्वारा कांचन नगर येथे अखंड भजनाचे आयोजन करण्यात आले होते.
सांगता समारंभ बुधवारी सकाळी ७ वाजता पदगायनाने सुरू झाला. त्यानंतर सकाळी ९ वाजेपर्यंत रामनाम भजन करण्यात आले. कार्यक्रमानंतर भाविकांना नाश्ता प्रसाद देऊन सांगता करण्यात आली. या प्रसंगी जगतपाल चांडक गुरुजी, डॉ. अनमोल चांडक, नाना महाजन यांच्यासह अनेक रामस्नेही कार्यकर्ते उपस्थित होते. शहरातील तसेच इतर जिल्ह्यांतील हजारो भाविकांनी उपस्थित राहून किंवा आपल्या गावी राहून नामस्मरणाचा लाभ घेतला.
आयोजकांच्या वतीने राज सूर्यवंशी यांनी कार्यक्रमाचे मार्गदर्शन आणि आभार प्रदर्शन केले.
