जळगाव मिरर | १३ जानेवारी २०२४
देशभरात अनेकदा प्रेमात धोका भेटत असल्याने प्रियकर व प्रेयसीकडून संताप आवरला जात नसतो त्यामुळे विचित्र घटना नेहमीच घडत असतात अशीच एक घटना अरुणाचलमध्ये घडली आहे. व्हायरल होत असलेल्या या व्हिडीओमध्ये हे प्रेमीयुगुल शाळेच्या गणवेशात दिसत आहे. त्यांच्यासोबत इतर मित्र-मैत्रिणीही आहेत. आपल्या प्रेयसीला दुसऱ्या मुलाबरोबर बोलताना पाहिल्यावर प्रियकराचा पारा चढला.
या कारणावरून दोघांमध्ये बाचाबाची झाली आणि हा शाब्दिक वाद विकोपाला गेला, व्हिडीओत दिसत असलेल्या या प्रेमीयुगुलामधील वाद ताजा असतानाच रागावलेली मुलगी रस्त्यावर चालत असलेल्या दुसऱ्या मुलीला धक्का देते. त्यातूनच हा वाद पुढे आणखी वाढल्याचे दिसते. त्यानंतर प्रेमभंग झालेला मुलगा धावता जातो आणि त्याच्या प्रेयसीला मारहाण करताना कॅमेऱ्यात दिसत आहे. व्हायरल होत असलेल्या या व्हिडीओवर नेटकऱ्यांनी संतप्त प्रतिक्रिया केल्या आहेत. अनेक नेटकऱ्यांनी या तरुणाईची कानउघाडणी केली आहे.
