अमळनेर : विक्की उत्तम जाधव
शहरात गेल्या दोन महिन्यापासून सोनसाखळी चोरीच्या घटनेमध्ये वाढ होत आहे. नुकतेच शहरातील छत्रपती शिवाजी बगीचा जवळून एका ४५ वर्षीय महिलेची सोनसाखळी दुचाकीवर आलेल्या चोरट्यांनी लंपास केल्याची घटना उघडकीस आली आहे. या प्रकरणी अमळनेर पोलिसात गुन्हा दाखल करण्यात आला आहे.
मिळालेली माहिती अशी कि, अमळनेर शहरातील समर्थ रेसिडन्सी परीसरातील रहिवासी असलेल्या हेमलता नामदेव शिंपी (वय ४५) या दि २१ फेब्रुवारी रोजीच्या दुपारी ४ वाजेच्या सुमारास शिवाजी बगीचा परिसरात पायी जात असतांना अनोळखी दुचाकीवर दोन चोरटे धूमस्टाईलने येत महिलेच्या गळ्यातील सोन्याची ४ ग्राम वजनाची पोत एकूण किमत १६ हजार रुपये किमतीची सोन्याची पोत लंपास केली आहे.या प्रकरणी महिलेने अमळनेर पोलीस स्थानकात दिलेल्या फिर्यादीवरून दुचाकीवर आलेल्या दोन अनोळखी चोरट्य विरोधात गुन्हा दाखल करण्यात आला आहे. पुढील तपास पोना.कैलास पवार हे करीत आहेत.
