जळगाव मिरर | २२ जुलै २०२४
राज्याचे उपमुख्यमंत्री देवेंद्र फडणवीस यांचा आज दि.२२ जुलै रोजी वाढदिवस असल्याने राज्यभरात अनेक सामाजिक कार्यक्रमाच्या माध्यमातून साजरे होत असताना जळगाव शहरात देखील माजी उपमहापौर डॉ.अश्विन सोनवणे यांच्या माध्यमातून विद्यार्थ्यांना वही वाटप करून साजरा करण्यात आला.
सविस्तर वृत्त असे कि, जळगाव शहरातील प्रत्येक मनपाच्या शाळेतील विद्यार्थ्यांना माजी उपमहापौर डॉ.अश्विन शांताराम सोनवणे यांच्या माध्यमातून वही वाटप करून आज स्व.रमलालजी चौबे जळगांव शहर महानगरपालिका केंद्र शाळा क्रं.२ मध्ये उपमुख्यमंत्री देवेंद्र फडणवीस यांचा वाढदिवस मोठ्या उत्साहात साजरा करण्यात आला. यामाध्यमातून अनेक गरजू मुलांना वहीचा लाभ देखील मिळाला. हा उपक्रम आणखी महिनाभर सुरु राहणार असल्याचे देखील माजी उपमहापौर डॉ.सोनवणे यांनी सांगितले आहे. या कार्यक्रमास माजी उपमहापौर डॉ.अश्विन शांताराम सोनवणे, शैलेंद्र सोनवणे,आकाश पारधे,भूषण जाधव,आसिफ अली,धीरज हिवराळे उपस्थित होते.
