जळगाव : प्रतिनिधी
दि.१६ ते १८ सप्टेंबर दरम्यान सांगली येथे होत असलेल्या राज्यस्तरीय सबज्युनियर डॉजबॉल स्पर्धेसाठी जळगाव जिल्ह्याचा संघ जळगाव जिल्हा डॉजबॉल असोसिएशनचे सचिव योगेश सोनवणे यांनी जाहीर केला आहे.
जिल्हास्तरीय डॉजबॉल निवडचाचणी व अजिंक्यपद स्पर्धेतून जळगाव जिल्हयाचा संघ निवड करण्यात आला निवड समिती सदस्य म्हणून गिरीश पाटील (जामनेर), सचिन महाजन (एरंडोल), योगेश सोनवणे व नितीन पाटील (जळगाव) यांनी काम पाहिले निवड झालेल्या संघात कल्पेश सुनिल चौधरी, शिवम दीपक सोनवणे (दोन्ही विवेकानंद ज्युनियर कॉलेज), भावेश मनोहर पाटील, तेजस मंगल पाटील (सारजाई कुडे विद्यालय धरणगाव), आदित्य संजय महाजन, यश सचिन महाजन, कल्पेश भानुदास चव्हाण (आर.एन.पाटील विद्यालय रिंगणगाव), अविनाश कमलाकर कांडेलकर, लखन बालचंद जाधव (भाऊसाहेब राऊत विद्यालय जळगाव), खुशाल आनंदा वाणी (शारदाश्रम विद्यालय जळगाव), समीर राहुल साळुंखे (जीभाऊ पांडुरंग विद्यालय चाळीसगाव), मार्गेश मनोज वाघ (ए.टी. झांबरे विद्यालय जळगाव).संघ व्यवस्थापक म्हणून सचिन रमेश सोनवणे तर संघ प्रशिक्षक म्हणून योगेश शशिकांत सोनवणे यांची नियुक्ती करण्यात आली आहे.
जळगाव जिल्ह्याच्या संघातील खेळाडूंचा सत्कार आज खो-खो चे राज्य क्रीडा मार्गदर्शक मिनल थोरात, डी. एन.सी.कॉलेजचे क्रीडा संचालक डॉ.पी.आर.चौधरी, एकलव्य क्रीडा संकुलाचे प्रशासकीय अधिकारी डॉ. श्रीकृष्ण बेलोरकर, जळगाव जिल्हा डॉजबॉल असोसिएशनचे अध्यक्ष राजेश जाधव, जळगाव जिल्हा युवा शारीरिक शिक्षण व क्रीडाशिक्षक महासंघाचे अध्यक्ष डॉ. रणजित पाटील सचिव प्रा.हरिश शेळके, बी.यु.एन.रायसोनी विद्यालयाचे मुख्याध्यापक चंद्रशेखर पाटील यांचे हस्ते करण्यात आला.