जळगाव मिरर | १ डिसेंबर २०२३
राज्यातील अनेक शहरात गुन्हेगारी घटना सातत्याने घडत असतांना पुणे शहरातील एका परिसरातून एक धक्कादायक बातमी समोर आली आहे. एका कुटुंबातील वडीलांनी पत्नीने जेवणात चिकन न दिल्याच्या रागातून स्वत:चे मुलीच्या डाेक्यात वीट मारुन तिला गंभीर जखमी केल्याचा धक्कादायक प्रकार पाषण परिसरात घडला आहे. याप्रकरणी आराेपी वडीलांवर चतुश्रृंगी पाेलिसांनी गुन्हा दाखल केला आहे. विकास नागनाथ राठाेड (रा.पुणे) असे गुन्हा दाखल झालेल्या आरोपीचे नाव आहे.
मिळालेल्या माहितीनुसार, पुणे येथील पाषाण परिसरातील रघुनाथ लालु पवार यांनी २७ डिसेंबर राेजी रात्री साडेअकरा वाजता विकास राठाेड हे त्यांचे राहते घरी आले हाेते. त्यावेळी त्यांनी पत्नीस जेवण वाढण्यास सांगितले हाेते. त्यानुसार पत्नीने त्यांना जेवण वाढले. परंतु जेवणात पत्नीने चिकन न दिल्याच्या रागातून पतीने जवळच पडलेली वीट मुलीच्या डाेक्यात मारुन तिला जखमी केले. या घटनेत मुलगी गंभीर जखमी झाल्यानंतर तिला तातडीने नातेवाईकांनी रुग्णालयात औषध उपचार करण्यासाठी नेले.मात्र, तिचे वडील घरातून पसार झाले. याप्रकरणी पाेलिसांनी आराेपीवर गुन्हा दाखल केला आहे. याप्रकरणी पुढील तपास पाेलिस हवालदार एस कदम करत आहे.