जळगाव मिरर | २६ डिसेंबर २०२३
राज्यातील अनेक शहरात गेल्या काही महिन्यापासून प्रेमाच्या नावावर गुन्हेगारी घटना घडत असतांना नुकतेच एका मुलीच्या प्रेमात पडलेल्या तरुणाला मुस्लिम धर्म स्वीकारण्यासाठी बेदम मारहाण करून गंभीर जखमी केल्याची घटना गुरुवार, १४ डिसेंबर २०२३ रोजी माजलगाव शहरात घडली. मारहाणीत तरुणाचा मित्रही जखमी झाला. याप्रकरणी माजलगाव शहर पोलिस ठाण्यात नऊ आरोपींवर २४ डिसेंबर रोजी अॅट्रॉसिटीचा गुन्हा दाखल केला आहे.
मिळालेल्या महितीनुसार, माजलगावच्या पंचशीलनगर, मंजरथ रोड येथे २५ वर्षीय तरुण राहतो. त्याचे शहरातील एका मुलीवर प्रेम होते. १४ डिसेंबर २०२३ रोजी रात्री साडेदहा वाजता मंजरथ रोडवर हा तरुण व त्याचा मित्र जेवणानंतर शतपावली करत असताना आलेल्या नऊ जणांनी “तू मुस्लिम धर्म स्वीकार’ असे म्हणत तरुणासह त्याच्या मित्रास शिवीगाळ करून तलवार, काठ्यांनी मारून गंभीर जखमी केले. याप्रकरणी तरुणाच्या तक्रारीवरून इमार बशीर शेख, तालेब बशीर शेख, अतिक बॉक्स, अल्ताफ बशीर शेख, सोहेल आत्तार यांच्यावर ॲट्रॉसिटीचा गुन्हा दाखल करण्यात आला आहे.