जळगाव मिरर | २ एप्रिल २०२६
बी.यू.एन. रायसोनी स्कूल, सी.बी.एस.ई. पॅटर्न, प्रेमनगर, जळगाव येथे दि. 02/04/2026 रोजी श्री हनुमान जन्मोत्सवाचे औचित्य साधून शाळेमध्ये उत्साहात श्री हनुमान जयंती साजरी करण्यात आली.
कार्यक्रमाची सुरुवात शाळेच्या पालक-शिक्षक संघाच्या सदस्या सौ. ललिता टिपरे तसेच शाळेच्या शिक्षकवृंदांच्या हस्ते प्रभू श्री हनुमान, सरस्वती देवी व संस्थेचे संस्थापक भाऊसाहेब यांच्या प्रतिमेला माल्यार्पण करून करण्यात आली. त्यानंतर इयत्ता नर्सरी ते इयत्ता ८ वीच्या विद्यार्थ्यांनी प्रेमनगर येथील केशरीनंदन हनुमान मंदिरात जाऊन सामूहिक हनुमान चालीसा पठण केले.
इयत्ता नर्सरी ते इयत्ता २ रीच्या विद्यार्थ्यांनी बाल हनुमानाचे आकर्षक वेष परिधान केले होते. “जय श्री हनुमान” व “जय श्री राम” या जयघोषांनी शाळेचा परिसर मंगलमय झाला होता. शाळेचे मुख्याध्यापक श्री. मनोज शिरोळे सर यांनी विद्यार्थ्यांना दररोज हनुमान चालीसा पठण केल्याने होणारे फायदे समजावून सांगितले. शाळेचे अध्यक्ष श्री. शिरीष रायसोनी व उपाध्यक्ष श्री. उमेद रायसोनी यांनी सर्व विद्यार्थी, शिक्षक व शिक्षकेतर कर्मचारी यांना श्री हनुमान जन्मोत्सवाच्या शुभेच्छा दिल्या.
