जळगाव मिरर | ७ मार्च २०२४
भुसावळ रेल्वेचे एक अंतरराष्ट्रीय गुणवत्ता प्रामाणिक प्रशिक्षण संस्थेतील झेडटीआरआयच्या मुख्याध्यापकासह कार्यालयीन अधीक्षकांना पैसे स्वीकारताना पुणे सीबीआयने रंगेहाथ पकडले. ही कारवाई बुधवारी दुपारच्या सुमारास करण्यात आली. यामुळे भुसावळसह परिसरात खळबळ उडाली आहे. लाच स्वीकारणाऱ्या कार्यालयीन अधीक्षक योगेश देशमुख व प्राचार्य सुरेशचंद्र जैन या दोघांना अटक करण्यात आली आहे.
मिळालेल्या माहितीनुसार, पुण्याचे सीबीआयचे निरीक्षक महेश चव्हाण यांना मिळालेल्या गुप्त माहितीच्या आधारे त्यांनी १७ अधिकाऱ्यांच्या उपस्थितीत लाच प्रकरणात प्राचार्य आणि कार्यालयीन अधीक्षकांवर कारवाई केली. कारवाईनंतर अधिकाऱ्यांच्या पथकाने झडती घेतली असता प्रिन्सिपल हॉल व्यतिरिक्त डॅनियल चौकासमोरील रेल्वे फिल्टर हाऊस आणि कार्यालयीन अधीक्षक देशमुख यांच्या घराजवळील मुख्याध्यापकांचा बंगला ‘सी २५४ ची झडती मध्ये त्यांना काहीही मिळाले नाही. गेल्या अनेक दिवसांपासून मुख्याध्यापक व कार्यालयीन अधीक्षकांच्या लाचखोरीच्या तक्रारी वाढल्या होत्या, मात्र तक्रार देण्यासाठी कोणी येत नसल्याने एका तरुणाने धाडस दाखवत तक्रार दाखल केली.
भुसावळ येथील तरुणाने रेल्वेकडे दाद मागितली प्रशिक्षण संस्थेत कार भाड्याने घेतले आहे. मार्च आणि त्यापूर्वीचा तरुण वाहन बिल जारी करण्यासाठी कार्यालय अधीक्षक (निविदा) योगेश देशमुख यांच्याशी संपर्क साधाला असता लॉक बुकमधील जुन्या तारखेला मुख्याध्यापकांची सही घेण्यासाठी ९ हजार रुपयांची लाच मागीतली होती. मध्य रेल्वे विभागातील झोनल ट्रेनिंग इन्स्टिट्यूट सेंटर झे.टी.सी.येथे लॉक बुक वर सही करण्यासाठी नऊ हजार रुपयांची लाचेची मागणी स्विकारतांना रंगेहात पकडले.
