जळगाव मिरर | २ ऑक्टोबर २०२३
देशातील अनेक राज्यात सुरु असलेल्या गुन्हेगारीमध्ये आता उत्तर प्रदेशातील एका घटनेने देशभर तीव्र निषेध होत आहे. उत्तर प्रदेशातील देवरिया येथे एक हृदयद्रावक घटना घडली असून घरात घुसून एकाच कुटुंबातील 5 जणांची हत्या करण्यात आली. पती-पत्नी, दोन मुली आणि मुलाचे गळे निर्घृणपणे कापून नंतर गोळ्या घातल्या. आता या कुटुंबात फक्त 8 वर्षांचा मुलगा जिवंत आहे. पण तोही गंभीर आहे. त्याच्यावरही हल्लेखोरांनी हल्ला केला. त्याला गोरखपूरच्या बीआरडी मेडिकल कॉलेजमध्ये दाखल करण्यात आले आहे.
ही घटना माजी जिल्हा पंचायत सदस्य प्रेम यादव यांच्या कुटुंबीयांनी घडवल्याचा संशय होता. सोमवारी सकाळी 6 वाजता प्रेम यादवचा मृतदेह रस्त्यावर पडलेला आढळून आला. त्यांचा गळा चिरून खून करण्यात आला होता. खून कोणी केला हे स्पष्ट होऊ शकले नाही. पण यादव कुटुंबाचा संशय सत्य प्रकाश दुबे यांच्यावर पडला. याचे कारण प्रेम यादव आणि सत्य प्रकाश दुबे यांच्यात जमिनीवरून वाद सुरू होता. मात्र, ही घटना पहाटे घडल्याचे पोलिसांचे म्हणणे आहे. यादव हे सत्यप्रकाश दुबे यांच्या घरी आले असता त्यांच्यात बाचाबाची आणि हाणामारी झाली. यामध्ये प्रेम यादव यांचा मृत्यू झाला.
काही वेळाने प्रेम यादवच्या लोकांनी सत्यप्रकाश दुबे यांच्या घरावर हल्ला करून ही घृणास्पद घटना घडवली. प्रेम यादवचा मृतदेह सापडल्यानंतर त्याचे कुटुंबीय आणि नातेवाईक संतापले. 20-25 कुटुंबीय हातात काठ्या, बंदुका आणि चाकू घेऊन गावात हाकेच्या अंतरावर राहणाऱ्या सत्य प्रकाश यांच्या घरी पोहोचले. प्रत्यक्षदर्शींनी दिलेल्या माहितीनुसार, संतप्त जमाव येत असल्याचे पाहून सत्य प्रकाश यांनी घराचा दरवाजा बंद केला. सकाळची वेळ असल्याने आजूबाजूचे बहुतेक लोक झोपलेले होते. प्रेम यादव यांच्या कुटुंबीयांनी दरवाजा तोडून सत्य प्रकाश यांच्या घरात प्रवेश केला. यानंतर त्यांनी प्रत्येकाची हत्या सुरू केली. सत्य प्रकाश यांच्या घरावर हल्ला झाला तेव्हा 6 जण होते. हल्लेखोरांनी संपूर्ण कुटुंबाची हत्या केली. 8 वर्षांचा मुलगा गंभीर आहे.
