जळगाव मिरर । ५ मे २०२३
मुक्ताईनगर तालुक्यातील चांगदेव येथील मंदिरातून देव दर्शन घेवून भुसावळात घरी दुचाकीने जात असलेल्या पती-पत्नीला वरणगावजवळील एका उड्डाण पुलावर झालेल्या अपघातात पती जागीच ठार तर पत्नी गंभीर जखमी झाल्याची घटना घडली आहे.
मिळालेल्या माहितीनुसार, भुसावळ शहरातील नवमहाराष्ट्र स्टोअर्सचे संचालक ललीत प्रभाकर नेमाडे (48)हे आपल्या पत्नीसह दि.5रोजी शुक्रवार सकाळच्या सुमारास पोर्णीमा असल्याने चांगदेव येथील मंदिरात गेले होते देव दर्शन आटोपून घरी भुसावळला आपल्या दुचाकी क्र एम. एच 19 डी एस 3356 ने जात असताना वरणगाव शहरा बाहेरू जाणाऱ्या उड्डाणपूलावर अपघातात पतीचा जागीच मृत्यू झाला तर पत्नीच्या चोहऱ्याला गंभीर इजा झाली. अपघात झाल्या नंतर बराच वेळ पती पत्नी जागेवर पडून होते. यावेळी परिसरातील काही नागरिकांनी त्यांच्या मदती साठी धाव घेऊन वरणगाव पोलीस स्टेशना घटनेची माहिती देत ग्रामीण रुग्णालयात पोहचविण्यासाठी मदत केली. सदर अपघात कसा घडला हे अस्पट असुन अपघातातील मयत व्यक्तीच्या डोक्याचा भागाला जबर धडक किंवा फटका बसला असल्याने चेहरा पुर्ण छिन्न विछिन्न अवस्थेत होता. तर दुसऱ्या महिला जखमीच्याही चेहऱ्याला गंभीर दुखापत झाली आहे. तर अपघात ग्रस्त मोटर सायकलीचे साईड ग्लास तुटल्याने हा अपघात कसा घडला हेअद्याप अस्पष्ट आहे. याबाबत वरणगाव पोलीस स्टेशनला जखमी निता ललित नेमाडे यांच्या खबरी वरूण अपघाताची नोंद करण्यात आली असुन घटनेचा पुढील तपास उप निरीक्षक किशोर पाटील हे करीत आहे.
