जळगाव मिरर | १५ मे २०२६
जळगाव तालुक्यातील रामदेववाडी शिवारातील जंगल परिसरात भरधाव वेगायेणाऱ्या दुचाकीने धडक दिल्याने ज्ञानेश्वर चंद्रकांत सोनवणे (वय २७, रा. नागदुली, ता. एरंडोल) या तरुणाचा मृत्यू झाला. ही घअना दि. १२ मे रोजी रात्रीच्या सुमारास घडली. याप्रकरणी एमआयडीसी पोलीस ठाण्यात गुन्हा दाखल करण्यात आला आहे.
मिळालेल्या माहितीनुसार, एरंडोल तालुक्यातील नागदुली येथील ज्ञानेश्वर सोनवणे हा तरुण दि. १२ मे रोजी रात्री साडेअकरा वाजेच्या सुमारास दुचाकीने जात होता. रामदेववाडी शिवारातील जंगल भागात एका वळणावर समोरून येणाऱ्या दुचाकीने ज्ञानेश्वर यांच्या दुचाकीला जोराची धडक दिली. रस्ता वळणाचा असतानाही समोरून येणाऱ्या दुचाकी चालकाने वेगात येऊन विरुद्ध बाजूने घुसल्याने हा अपघात झाला. या अपघातात ज्ञानेश्वर सोनवणे याचा जागेवरच मृत्यू झाला. या अपघातात दोन्ही दुचाकींचे मोठ्या प्रमाणावर नुकसान झाले असून समोरील शुभम रवींद्र पाटील (रा. जवखेडा, ता. जळगाव) हा देखील जखमी झाला आहे. या प्रकरणी मयताचे काका महेंद्र तुकाराम सोनवणे (वय ४७) यांनी दिलेल्या फिर्यादीवरून एमआयडीसी पोलीस ठाण्यात शुभम पाटील याच्याविरुद्ध गुन्हा दाखल करण्यात आला आहे.
