जळगाव मिरर | ६ जानेवारी २०२४
जळगाव शहरातील एका रुग्नालायात डोळ्यांचे ऑपरेशन करुन मुलासोबत घरी जात असलेल्या वृद्धाला भरधाव ट्रकने चिरडल्याची घटना दि.५ रोजी शुक्रवारी दुपारी १ वाजेच्या सुमारास गुजरात पेट्रोलपंपासमोरील उड्डाणपुलावर घडली. या अपघातात युसूफ शेख इस्माईल खाटीक (वय ७८, रा. खाटीक गल्ली पारोळा) यांचा मृत्यू झाला तर त्यांचा मुलगा अस्लम शेख यूसुफ खाटीक (वय ४४) हा गंभीर जखमी झाला आहे. पोलिसांनी ट्रकसह चालकाला ताब्यात घेतले
मिळालेल्या माहितीनुसार, पारोळ्यातील यूसूफ शेख इस्माईल खाटीक गल्लीत खाटीक हे वृद्ध कुटुंबियांसह वास्तव्यास होते. त्यांच्या डोळ्यांचे ऑपरेशन असल्याने ते गेल्या चार दिवसांपासून जिल्हा रुग्णालयात दाखल दाखल होते. त्यांना रुग्णालयातून डिस्चार्ज मिळाल्यानंतर ते मुलगा अस्लम शेख युसूफ खाटीक याच्यासोबत (एमएच १९, ईएफ ७५२४) क्रमांकाच्या दुचाकीने घरी जाण्यासाठी निघाले.
राष्ट्रीय महामार्ग क्रमांक सहावर गुजराल पेट्रोलपंपासमोरील उड्डाणपुलावरून ते जात असताना अस्लम शेख हे समोर जात असलेल्या ट्रॅक्टरला ओव्हरटेक करत होते. यावेळी मागून भरधाव वेगाने जात असलेल्याा ट्रकने त्यांच्या वाहनाला धडक दिली. यामध्ये युसूफ शेख यांचा तोल जावून ते खाली पडल्यानंतर ट्रकने त्यांना चिरडले गेल्याने त्यांचा जागीच मृत्यू झाला. तर त्यांचा मुलगा अस्लम खाटीक हे गंभीर जखमी झाले आहे.