जळगाव मिरर | २७ मार्च २०२६
सततच्या तक्रारींसह दाखल असलेल्या गुन्ह्यात आरोपींना अटक करतांना दिरंगाई केल्याचा ठपका ठेवत, भडगाव पोलिस ठाण्याचे प्रभारी पोलिस निरीक्षक महेश शर्मा यांची पोलीस मुख्यालयातील नियंत्रण कक्षात उचलबांगडी करण्यात आली. याबाबतचे आदेश पोलीस अधीक्षक डॉ. महेश्वर रेड्डी यांनी काढले आहे.
मिळालेल्या माहितीनुसार, भडगाव पोलिस ठाण्याचे प्रभारी कार्यरत पोलिस निरीक्षक महेश शर्मा यांच्या कामकाजासह अनेक तक्रारी पोलीस अधीक्षकांकडे प्राप्त झाल्या होत्या. तसेच लूज सुपरविजन, दाखल गुन्ह्यातील संशयीताला अटक प्रकरणात दिरंगाईचा ठपका ठेवत त्यांना तात्काळ पोलीस मुख्यालयात हजर राहण्याचे आदेश देण्यात आले आहेत. यापुर्वी देखील निरीक्षक महेश शर्मा यांच्यावर जळगाव तालुका पोलिस ठाण्याचे प्रभारी असतांना पाणीपुरवठा पाईप चोरी प्रकरणात विधानसभेत तक्रार झाल्यानंतर त्यांची उचलबांगडी करण्यात आली होती. त्यानंतर आता पुन्हा त्यांना पोलीस मुख्यालयातील नियंत्रण कक्षात उचलबांगडी करण्यात आली आहे.
भडगाव येथे दोन दिवसांपूर्वीच एका दाम्पत्यास एम.डी. ड्रग्ज प्रकरणी अटक करण्यात आले. पोलिस ठाण्याच्या शंभमिटर अंतरावरच बसस्टॅण्ड आणि य आवारात मोठ्या प्रमाणावर अवैध धंदे गैरकृत्यासह गुन्हेगारांचा सतत वावर असते ड्रग्ज प्रकरणात पोनि शर्मा यांची उचलबांगड झाल्याची चर्चा भडगाव तालुक्यात सुन होती. मात्र वरिष्ठ अधिकाऱ्यांकडून याबाब माहिती जाणून घेतली असता त्यांनी स्पष् शब्दात खंडण केले आहे.
