जळगाव मिरर | २१ एप्रिल २०२५
मुख्यमंत्री देवेंद्र फडणवीसांच्या नागपूरमध्ये गुन्हेगारी मोठ्या प्रमाणावर वाढत असतांना आता एक खळबळजनक समोर आली आहे. नागपुर शहरातील पाचपावली पोलिस ठाण्याच्या हद्दीत एका व्यक्तीची निर्घृण हत्या झाली आहे. बांगलादेश नाईक तलाव परिसरात ही घटना घडली. आरोपी गितेश उर्फ रजत उके याने शेरा मलिक या व्यक्तीची हत्या केली.
मिळालेल्या माहितीनुसार, गितेश उके याचे मृतकाच्या पत्नीसोबत गेल्या दोन वर्षांपासून अनैतिक संबंध होते. दोघेही वारंवार बाहेर फिरायला जात असत. काही महिन्यांपूर्वी शेरा मलिकला या संबंधांची माहिती मिळाली होती. त्याने गितेशला समजावण्याचा प्रयत्न केला. मात्र, गितेशने त्याचे ऐकले नाही.
दोघांमधील वाद वाढत गेला. एकमेकांना जीवे मारण्याच्या धमक्या देण्यापर्यंत गोष्टी पोहोचल्या. शेरा मलिक आपल्याला ठार मारेल या भीतीने गितेशने त्याची हत्या करण्याचा कट रचला. त्याने दहा दिवसांपूर्वी एक कोयता विकत घेतला. रविवारी गितेशने त्याचा मित्र भोजराज कुंभारे याला शेरा मलिकची माहिती काढण्यासाठी पाठवले. भोजराजने शेरा घरी असल्याची खबर दिली. दोघेही अॅक्टिव्हावर बसून शेराच्या घरी गेले. गितेशने शेराला बाहेर बोलावले आणि त्याच्या गळ्यावर कोयत्याने 11-12 वार केले. शेरा जागीच ठार झाला. गुन्हा केल्यानंतर गितेश थेट पाचपावली पोलिस ठाण्यात गेला. त्याने स्वतःहून गुन्ह्याची कबुली दिली आणि हत्येचे हत्यार पोलिसांच्या ताब्यात दिले. पोलिसांनी गितेशसह त्याचा साथीदार भोजराज कुंभारे यालाही अटक केली आहे.
