चाळीसगाव : कल्पेश महाले
मराठा समाजाला टिकणारे आरक्षण मिळावे, केंद्रात आणि राज्यात एकाच विचाराचे सरकार असल्यामुळे मराठा समाजाच्या आरक्षणासाठी केंद्र सरकारने हस्तक्षेप करावा, मराठा समाजाच्या विद्यार्थ्यांना शिक्षणासाठी ओबीसी प्रमाणे तात्काळ सवलती द्या
जे १००% राज्य सरकारच्या अधिकारात आहे, मराठा आरक्षणासाठी झालेल्या आत्तापर्यंतच्या सर्व आंदोलनाचे गुन्हे (आंतरवाली सराटी सह) तात्काळ मागे घ्यावे आदी मागण्यासाठी सकल मराठा समाज आणि संभाजी सेनेच्या वतीने येथील ग्रीन लीफ हॉटेल मध्ये पत्रकार परिषदेचे आयोजन करण्यात आले होते.
सरकारने मराठा समाजाचा आता अंत पाहू नये अन्यथा समाजातील तरुणांचा उद्रेक झाला तर आत्तापर्यंत आत्महत्या करून जीव देणाऱ्या तरुणांनी उद्या शासनकर्त्यांचे जीव घेतले तर विशेष वाटून घेऊ नये तरी शासनाने तात्काळ मराठा समाजाच्या मागण्यांची अंमलबजावणी करून मराठा समाजाला न्याय द्यावा तसेच मराठा तरुणांनी आत्महत्येचे पाऊल उचलू नये, तसेच सरकारने मराठा समाजाचा अंत पाहू नये 1 तारखेपर्यंत आरक्षणाचा तिढा सुटला नाही तर संभाजी सेना उग्र आंदोलन करेल असा ईशारा लक्ष्मण बापू शिरसाठ (पाटील) यांनी दिला आहे.
यावेळी प्रमोद बापू पाटील, गणेश पवार, सरपंच गिरीश पाटील, जयसिंग भोसले, भाऊसाहेब पाटील, मार्केट संचालक राहुल पाटील, तन्मय देशमुख, अरुण पाटील, आदी मराठा समाज बांधव उपस्थित होते. यावेळी प्रमोद पाटील म्हणाले की महाराष्ट्रातील मराठा समाजाची सामाजिक आणि आर्थिक परिस्थिती अत्यंत हलाखीची आणि बिकट झाली आहे
मराठा समाजातील शिक्षित उच्चशिक्षित तरुण-तरुणींना चांगले शिक्षण घेऊन चांगले मार्क्स (गुण) असून देखील पात्रता असून देखील त्यांना त्यांच्या पात्रतेनुसार नोकरी मिळत नाही. गणेश पवार म्हणाले की मराठा समाजातील तरुण आज अक्षरशः हॉटेलात चहाच्या टपरीवर मिळेल ती पडेल ती कामे करीत आहेत काही रिक्षा चालवत आहेत तर काही अक्षरशः हमाली करत आहेत.
मराठा समाजातील तरुणींची परिस्थिती देखील याच्यापेक्षा काही वेगळी नसून तरुणी देखील मॉल कापड दुकाने विविध वस्तूंचे गाड्यांचे शोरूम अशा ठिकाणी कामे करावे लागत आहेत. मराठा समाज आज पूर्णतः सामजिक आणि आर्थिक मागास झाला आहे आणि त्यामुळे दिवसेंदिवस मराठा समाजातील युवक युवती वैफल्यग्रस्त होत आहेत
त्यातून आत्महत्या देखील खूप वाढायला लागल्या आहेत. असे अरुण पाटील तन्मय देशमुख,भाऊसाहेब पाटील,किशोर पाटील, गुड्डू पवार, राहुल पाटील, यांनी सांगितले सद्य परिस्थितीत मराठा समाज आरक्षण नसल्यामुळे दिवसेंदिवस अत्यंत वाईट परिस्थितीचा सामना करीत आहे आणि त्यामुळे समाजातील युवकांचा प्रक्षोभ आणि आक्रोश दिवसें दिवस वाढत चालला आहे त्यामुळे ही परिस्थिती तात्काळ थांबावी अशी मागणी उपस्थित सकल मराठा समाजाच्या वतीने करण्यात आली.
