जळगाव मिरर । ३१ जानेवारी २०२३ ।
अमळनेर शहरातील गुरुकृपा कॉलनीतील २८ वर्षीय महिला आपल्या १२ वर्षीय मुलीसोबत बेपत्ता झाली. महिलेच्या आईने पोलिसात हरवल्याची नोंद केली आहे.
पोलिस महिला व मुलीचा शोध घेत आहेत. ही महिला मेहुणबारे (ता. चाळीसगाव) येथील राहणारी असून सध्या ती गुरुकृपा कॉलनीत राहत होती. या दोघी ५ रोजी कामाला जाते व शाळेत जाते, असे सांगून घरातून बेपत्ता झाल्या. त्या परत आल्या नाहीत. या दोघींचाही नातेवाईकांसह सर्वत्र शोध घेण्यात आला. मात्र त्या कोठेही न सापडल्याने महिलेच्या आईने अमळनेर पोलिस ठाण्यात फिर्याद दिली आहे. अमळनेर पोलिस स्टेशनला हरवल्याची नोंद करण्यात आली आहे. हेड कॉन्स्टेबल चंद्रकांत पाटील तपास करीत आहेत. महिला व मुलगी आढळून आल्यास अमळनेर पोलिस स्टेशनशी संपर्क साधावा असे आवाहन पोलिसांनी केले आहे.
