अमळनेर : विक्की उत्तम जाधव
तापी नदीवरील पाडळसरे धरणामुळे विस्थापित झालेल्या नवीन पुनर्वसित गावठाणात कलमसरे पासून धारणापर्यंत थेट रस्ता तसेच पाणी पुरवठा योजना, अंगणवाडी, रस्ता व मुख्य गाव दरवाजा अश्या एकूण तीन कोटी रुपयांच्या निधीची तरतूद असलेल्या विकास कामांचे आमदार अनिल पाटील यांच्या हस्ते कुदळ मारून भूमिपूजन करण्यात आले.
यावेळी प्रामुख्याने विस्थापित पाडळसरे गावी पाणी टंचाई दूर करण्यासाठी व कळमसरे ते पाडळसरे धरणापर्यंत अवजड वाहने वापरून खराब झालेल्या मुख्य रस्त्यासाठी ग्रामपंचायत कडून झालेल्या मागणी नुसार कामाचा शुभारंभ झाल्याने ग्रामस्थानी समाधान व्यक्त केले.गावात आगमन होताच ग्रामस्थानी जल्लोषात स्वागत करीत सत्कार केला.यावेळी त्यांच्या सोबत जिल्हा परिषद सदस्या जयश्री पाटील, सरपंच शुभांगी पाटील, उपसरपंच शिवाजी अण्णा पाटील, ग्रामपंचायत सदस्य ज्ञानेश्वर पाटील, प्रकाश भदाणे, दिलभर भिल, ग्रामपंचायत सदस्या कविता पाटील, भारती कोळी, अक्काबाई भिल, वच्छाबाई भिल, माजी सरपंच सचिन पाटील, शांतता समितीचे सदस्य पत्रकार वसंतराव पाटील, राष्ट्रवादी काँग्रेसचे विधानसभा क्षेत्र प्रमुख भागवत पाटील, देखरेख संघाचे माजी अध्यक्ष पिंटू राजपूत, राष्ट्रवादी विद्यार्थी सेलचे तालुकाध्यक्ष भूषण भदाणे, राष्ट्रवादी किसान सेलचे माजी तालुकाध्यक्ष विकास पाटील, हभप गोकुळ पाटील, वि.का.स सोसायटीचे चेअरमन मंगल पाटील, व्हाईस चेअरमन शत्रुघ्न पाटील, संजय पाटील, राजेंद्र पाटील, रामकृष्ण पाटील, जगदीश भदाणे, माजी उपसरपंच रवींद्र पाटील, सचिन कोळी, संदीप पाटील, चंद्रकांत पाटील, हरिष पाटील, रामसिंग कोळी, डॉ.अविनाश पाटील , ईश्वर गुर्जर, मनोज पाटील, समाधान गुर्जर, जयसिंग कोळी, मंगल गुर्जर, समाधान पाटील, मधुकर गुर्जर, बापू अहिरे, ग्रामसेवक सुभाष भोई ग्रामपंचायत कर्मचारी गोपाल कोळी, सुखदेव कोळी यांचे सह ग्रामस्थ मंडळ उपस्थित होते. प्रस्तावित भागवत पाटील यांनी तर सूत्रसंचालन संजय पाटील व आभार सचिन पाटील यांनी व्यक्त केले.
या कामांचे झाले भूमीपूजन
जलजीवन मिशन अंतर्गत पाणीपुरवठा योजना १ कोटी ७ लाख रुपये, कळमसरे ते पाडळसरे धरणापर्यंत रस्त्याचे डांबरीकरण व मजबुतीकरण १ कोटी ५० लाख रुपये, अद्यावत अंगणवाडी बांधकाम ८ लाख ५० हजार रुपये, गाव अंतर्गत रस्ता काँक्रीटीकरण १० लाख रुपये, मुख्य रस्त्यावर गाव दरवाजासाठी ८ लाख रुपये, एक किलोमीटर पानंद रस्तासाठी ७ लाख रुपये आदी एकूण तीन कोटी रुपयांच्या विकासकामाचे भूमिपूजन करण्यात आले.
