जळगाव मिरर / २२ एप्रिल २०२३ ।
नारीशक्ती बहुउद्देशीय संस्था जळगावतर्फे आज दिनांक २२ एप्रिल २०२३ रोजी अक्षय तृतीये च्या शुभ मुहूर्तावर एका विधवेच्या आयुष्याची मुहूर्तमेढ रोवली. जळगाव शहरातील निशा भावसार यांचे पती नरेंद्र भावसार यांनी हालाखीच्या परिस्थितीला कंटाळून पंधरा दिवसांपूर्वी आत्महत्या केली . परिस्थिती अत्यंत हलाखीची असून खायला सुद्धा अन्न नाही. पदरात तीन लहान मुलं असून उदरनिर्वाहाचे साधन नाही. अशा परिस्थितीत आत्महत्येचा विचार करणाऱ्या या महिलेच्या घरी जाऊन नारी शक्ती ने प्रत्यक्ष भेट दिली असता पदाधिकाऱ्यांच्या डोळ्यातून अक्षरशः अश्रू आले. त्याचवेळी नारीशक्ती बहुउद्देशीय संस्थेने निर्णय घेतला.
या महिलेला स्वतःच्या पायावर उभे राहण्यासाठी स्वयंरोजगार मिळवून द्यावा. आणि लगेच तातडीने कार्यवाही करण्यात येऊन नारीशक्तीच्या सर्व पदाधिकाऱ्यांनी आर्थिक सहाय्य निधी जमा करून तिला कांदा बटाट्याची व भाजीपाल्यासाठी गाडी उभी करून दिली. अक्षय तृतीयेच्या शुभ मुहूर्तावर या हातगाडीचे उद्घाटन करण्यात आले. हा व्यवसाय सुरु करून देण्यासोबतच तिच्या व तिच्या मुलांच्या योगक्षेमाची संपूर्ण जबाबदरी नारीशक्ती ने घेतली व निशाला आश्वास्त केले.
याप्रसंगी नारी शक्ती बहुउद्देशीय संस्थेच्या अध्यक्षा . मनिषा पाटील, लिना पाटील ,विद्या जकातदर ,निता वानखेडकर, आशा मौर्य ,वंदना मंडावरे, हर्षा गुजराथी, नुतन तासखेडकर, नेहा जगताप ,रेणुका हिंगू ,संगीता चौधरी ,सोनम पाटील ,मनिषा देशमुख ,इंदिरा जाधव , ज्योती राणे व पदाधिकारी उपस्थित होत्या.
